16.8 C
Prizren
E enjte, 28 Mars, 2024

12 të infektuarit me COVID-19 në Prizren janë policë patrullues, kishin kontakte edhe me qytetarë

Nëntëmbëdhjetë raste të reja me Covid -19 kanë rezultuar në Prizren në 24 orëshin e fundit në Kosovë.

Testimit për Covid-19 iu janë nënshtruar sot edhe 20 zyrtarë policorë të kësaj komune, prej të cilëve 12 kanë rezultuar të infektuar me koronavirus, njofton Klan Kosova.

Zyrtari për informim i Policisë së Kosovës për rajonin e Prizrenit, Shaban Osmanollaj, ka treguar në detaje se cili ka mund të jetë burimi i infeksionit të këtyre policëve.

”Para dy dite nga tetë rastet që kishin rezultuar pozitivë, nga to njëri ka qenë zyrtar policor dhe është mundësia që ai të ketë pasur kontakt me këta pjesëtarë ku dhe është transmetuar virusi”.

Ai tha se zyrtarët policorë të infektuar kryenin detyra të patrullimit edhe nga tereni edhe nga stacioni dhe sipas tij është mundësia që ata të kenë pasur kontakt edhe me qytetarë por edhe me zyrtarë të tjerë policorë.

”Këta kanë kryer sigurisht detyra të përgjithsme të patrollës dhe është mundësia që të kenë pasur kontakt me qytetarë por edhe me zyrtarë të tjerë”.

”Nga nesër do të bëjmë një listë të përgjithshme për të shtjelluar se cilët janë ata persona me të cilët kanë mundur të kenë kontakt me këta zyrtarë që sot janë identifikuar si të infektuar”.

Osmanollaj ka konfirmuar për Klan Kosovën se të gjithë zyrtarët policorë të cilët kanë rezultuar pozitivë sot me koronavirus, janë vetëizoluar dhe nuk kanë ndonjë simptomë tjetër shqetësuese shëndetësore.

Më Shumë

Zhduket një e moshuar në Rahovec

Një grua e moshës 86-vjeçare është zhdukur në fshatin Ratkoc të Rahovecit, ndërsa operacioni për kërkimin e saj ka filluar. Shërbimi i Kërkim-Shpëtimit Malor të...

“Fëmija po rrezikohen”- vozitje të “çmendura” në një fshat të Malishevës, pamje nga kamerat

Në njërën rrugë të fshatit Drenoc të Komunës së Malishevës banorët atje po rrezikohen nga ngasësit e veturave. Pamjet nga kamerat e sigurisë që janë...

Lajmet e Fundit