Në një video “Tik Tok”, Trejsi ka treguar se si reagon në momentin kur dikush e ngacmon. Sigurisht që i pari që Trejsit i vjen në mendje është i dashuri Leonard Duka.
Modelja e njohur Trejsi Sejdini prej disa muajsh ka shkuar në Amerikë për të ndjekur ëndrrën e saj, por mesa duket zemrën e ka akoma në Shqipëri.
“Kam të dashur, po i dashuri im është i çmendur, vret njerëz,”-thotë modelja në video. Ndërsa mbi të shkruan: Kur dikush më bezdis aq shumë saaa…
Trejsi Sejdini është një nga modelet shqiptare që reklamon hapur jetën e saj luksoze dhe ka marrë nofkën “Gangsterja e Elbasanit” pasi është përfshirë në shumë përplasje fizike. Pas vrasjes së ish-efektivit Santiago Malko, doli në pah edhe personi që fshihej pas të ardhurave marramendëse të modeles, i dashuri i saj Leonard Duka.
Duka rezulton se prej më shumë se 3 vitesh është një nga krerët e një prej bandave më të rrezikshme në Tiranë. Ai bashkë me të vëllain, Erlisin, paratë e përfituara në mënyra të paverifikuara ende, kanë investuar në disa biznese. Përveç lokalit në zonën e Freskut, Leonard dhe Erlis Duka, rezultojnë se janë pronarë të një kompanie e cila është bashkim i emrave të të dyve.
Për ata që e njohin, e dinë se Leonard Duka vetëquhet tek miqtë e tij si “Princi Damian”, një nofkë e cila sipas tij reflekton luksin dhe jetën që ka 37-vjeçari. Megjithëse u arrestua në prill të vitit të shkuar bashkë me ‘Gabelin’ Elvis Gaçaj, Leonard Duka, ia doli t’ia hidhte paq nga drejtësia./abcnews.al