Gojëdhënat për lokacionin janë të shumta.
Nga to e deri tash, Gurra e Poslishtës është një nga pikat më atraktive të këtij fshati.
Përveç që konsiderohet si ujë i mirë për pije, banorët thonë se ky ujë është i mirë për kultivim peshku e që tani veçohet “Trofta”, raporton KOHA.
Pos natyralitetit që ka, për ta pasur edhe këtë hijeshi është dashur edhe ndërhyrja e banorëve. Ata vazhdimisht e pastrojnë dhe e mirëmbajnë atë.
Uji buron nga bjeshkët e larta dhe kalon përmes Poslishtës, të cilin shumë fshatra të tjerë e kanë burim kryesor për furnizim me ujë.
Sipas kryetarit të fshatit Poslishtë, Refki Alushaj, ky vend ka një histori unike. Kjo, sipas tij, e bën edhe më të mirë jetesën këtu.
Gurra e Poslishtës për çdo ditë pranon vizitorë të fshatrave përreth, një ndër ta është edhe Xhemi Isakaj nga fshati Billushë.
Fshati Poslishtë dikur karakterizohej për vreshta të shumta që kishte, e edhe për 4 mullinjtë e saj të ujit, por që në kohërat e sotme vetëm njëri prej tyre i ka mbijetuar kohës.