14.8 C
Prizren
E enjte, 28 Mars, 2024

Babai i futbollistit serb thotë se i biri do të luajë për Kosovën, për përjashtimin nga puna nuk flet

Babai i futbollistit të Flamurtarit, Ilija Iviq, Dushani, ka konfirmuar se i biri i i tij do të vazhdojë të luajë për Flamurtarin dhe për Kosovën nëse ftohet, por nuk ka pranuar të flasë për lajmin se ai dhe bashkëshortja e tij, të premten, janë larguar nga vendet e tyre të punës në Graçanicë shkaku i të birit.

Në një bisedë për Koha.net, ai ka thënë se të shtunën do të sqarohet për këtë temë.

Federata e Futbollit e Kosovës (FFK) ka njoftuar të premten se çifti bashkëshortor Iviq është përjashtuar nga puna, pasi i biri ka pranuar ftesën nga Përfaqësuesja U19 e Kosovës.

Këta janë super-filmat që mund t’i shikoni këtë fundjavë në Cineplexx

Paraprakisht, mediat serbe nisën sulm të ashpër ndaj lojtarit dhe familjes së tij.

“Nuk mund të flasë asgjë për këtë sonte. Nesër do të flasim. E kam shtëpinë plot dhe nuk jam në gjendje të flas”, ka thënë Dushan Iviq.

Ai është punëtor në shkollën Elektro-teknike në Sushicë, kurse gruaja është shërbyese civile në Komunën e Graçanicës.

Drejtori i kësaj shkolle, në një deklaratë për “Radio KIM”, Milan Dimitrijeviq, ka mohuar se ka përjashtuar Dushan Iviqin. Madje, ai thotë se as që i ka ardhur një kërkesë e tillë. E për bashkëshorten e tij, “Radio KIM” ka shkruar në uebfaqen e vet, “se as që punon në Komunën e Graçanicës”.

Koha.net, jozyrtarisht ka mësuar se ai dhe bashkëshortja e tij, vërtetë janë përjashtuar nga puna.

Futbollisti 17 vjeç, Ilija Iviq, ka kohë që luan për Flamurtarin, por vetëm tash pasi ka marrë ftesën nga Kosova, është shkaktuar bujë e madhe, duke u quajtur edhe tradhtar nga mediat në Serbi.

E Dushan Iviqi, ngul këmbë se i biri i tij do të vazhdojë të vesh fanellën e Flamurtarit edhe në të ardhmen.

“Ai është pjesë e Flamurtarit dhe të do të vazhdojë të luajë për të”, ka thënë ai.

E për Kosovën, a do të luajë?

“Pse jo”, ishte përgjigjja e tij e shkurtër./ Koha.net/

Më Shumë

Ambasadori Malaj: Dhimbja në Krushë të Madhe preku çdo cep të Kosovës, Shqipërisë dhe botës mbarë

Ambasadori i Shqipërisë në Kosovë, Petrit Malaj, ka thënë se masakra e Krushës së Madhe e ka lidhur mbarë botën në pikëllim dhe në...

Kot grindem me hënën

Enver Sulaj Fjalët e shenjta më vijnë si profeci Si magji Si ankth Dhe më lënë pa frymë, pa fjalë. Sonte mori fund vuajtja Fjalët ikën tej reve Ti dridhesh si...

Lajmet e Fundit