13.8 C
Prizren
E enjte, 28 Mars, 2024

Boris Johnson: Rusia grumbullon helmin Novichok prej një dekade

Përplasja Britani-Rusi lidhur me helmimin e agjentit Sergei Skripal me agjentin nervor Novichok ka arritur në një tjetër nivel, teksa të dy shtetet akuzojnë njëra-tjetrën se në laboratoret e tyre prodhohet helmi i përdorur në Salisbury.

Pas akuzave të ambasadorit rus në BE mëngjesin e sotëm, atij i është përgjigjur ministri i Jashtëm i Britanisë së Madhe, Boris Johnson.

“Rusia ka grumbulluar agjentët nervorë të përdorur në sulmin ndaj një ish-spiuni dhe vajzës së tij për një dekadë”, tha Johnson, raporton BBC.

Ai gjithashtu hodhi poshtë një sugjerim nga ambasadori rus i BE që agjenti mund të kishte ardhur nga një laborator në Mbretërinë e Bashkuar.

Vladimir Chizhov kishte thënë se Laboratori Porton Doën në Wiltshire mund të ketë qenë burimi i substancës.

Ndërkohë Sergei dhe Yulia Skripal mbeten të sëmurë rëndë në spital, pasi u ekspozuan ndaj substancës në Salisbury. Ata u gjetën të shtrirë në një stol në qytetin Wiltshire më 4 mars.

Kryeministri Theresa May ka thënë se Rusia është “fajtore” për sulmin. Ekspertët nga Organizata për Ndalimin e Armëve Kimike (OPCË) do të mbërrijnë në Britani të Madhe të hënën për të testuar mostrat e kimikatit.

Rezultatet pritet të dalin pas një hetimi që do të zgjasë “minimumi dy javë”, njoftoi Ministria e Jashtme.

Më Shumë

Rrëfehet Messi: Nuk isha përgatitur për t’u larguar nga Barcelona

Lionel Messi ka pranuar se iu desh të “rindërtonte jetën e tij” pas largimit tronditës nga Barcelona në vitin 2021. Gjithashtu ka nënvizuar vështirësitë e...

Zhduket një e moshuar në Rahovec

Një grua e moshës 86-vjeçare është zhdukur në fshatin Ratkoc të Rahovecit, ndërsa operacioni për kërkimin e saj ka filluar. Shërbimi i Kërkim-Shpëtimit Malor të...

Lajmet e Fundit