Një ngjarje e rëndë ka ndodhur mesditën e së premtes në fshatin Vlosh të Roskovecit në Shqipëri.
Hetimet e policisë zbuluan se 35-vjeçari Karafil Rapushaj, është qëlluar me armën e gjahut nga djali i tij 8-vjeçar.
Viktima ishte në pyll bashkë me djalin për të mbledhur bimë medicinale, por në një moment kur e ka lënë armën e gjahut në tokë, djali i tij e ka shkrepur aksidentalisht çiften duke qëlluar babain në kraharor.
Fillimisht i mituri nuk e tregoi të vërtetën, duke thënë se ata i kishte sulmuar ujku.
Por më vonë në prani të psikologut ai pranoi se qëlloi pa dashje të atin. 35-vjeçari ndërroi jetë më vonë në spitalin rajonal të Fierit. /Lapsi.al