13.8 C
Prizren
E enjte, 28 Mars, 2024

“Krimet e ISIS, përtej imagjinatës njerëzore”

OKB per ISISKombet e Bashkuara akuzojnë ISIS-in për krime lufte dhe qeverinë siriane për përdorimin e agjentëve kimikë në të paktën 8 incidente të ndryshme gjatë këtij viti.

Shteti islamik në Irak e Levant kontrollon territore të mëdha në Siri dhe është një prej grupeve kundërshtare të Presidentit Bashar al Assad. Por fushata e skajshme e dhunës dhe terrorit e ka tejkaluar qëllimin fillestar të lëvizjes islamike. Në 6 muaj hetimi, nga janari deri në korrik, ekspertët e OKB-së kanë mbledhur dëshmi e fakte të shkeljeve ekstreme të të drejtave të njeriut në këtë vend e thonë se mizoritë e ISIS-it janë nga më të tmerrshmet.

“Trupat e masakruar të të vrarëve janë lënë në sheshe e vende publike për ditë të tëra në mënyrë që t’i shohin të gjithë, duke terrorizuar kështu popullsinë lokale. Femrat që nuk i janë bindur kodit të veshjes së ISIS-it janë rrahur me kamzhik. Në Raqqa, deri edhe fëmijë 10 vjeç janë rekrutuar e stërviten në kampet e grupit militant”, thuhet në raport, transmeton TCH.

Që prej fillimit të konfliktit në 2011-n, bilanci i vdekjeve në Siri llogaritet në plot 200.000. Periudha kohore e mbuluar nga raporti rastis me hovin e ISIS-it në Siri, ndërsa synimi i grupit është krijimi i një shteti islamik në zona që shtrihen si në këtë vend ashtu dhe në Irak. Për arritjen e këtij objektivi po ndiqet rruga e një fushate frikësimi që përfshin gjymtimin e personave dhe ekzekutimet në publik.

OKB-ja paralajmëron për pasoja të rënda në mbarë rajonin duke pohuar se dështimi i komunitetit ndërkombëtar në përmbushjen e detyrimeve me elementare, mbrojtjen e civilëve, ndaljen e masakrave dhe krijimit të një rruge drejt dhënies llogari, i bashkohet një braktisjeje në terren qoftë edhe të thjeshtë pretendimit se po zbatohet ndonje standard i ligjit ndërkombëtar.

Më Shumë

Tri vjet nga vdekja e Cimës – përkujtohet me mall nga Adelina: U zgjova me dhimbjen e njëjtë si kur u ndave nga ne...

Janë bërë tri vite që kur u nda nga jeta legjenda e humorit shqiptar, Rasim Thaçi – Cima. Artisti i mirënjohur ndërroi jetë më 26...

Rifat Jashari kërkon që të gjithë shqiptarët të jenë të bashkuar

Në Gllogjan të Deçanit u mbajt manifestimi qendror i “Epopesë së Dukagjinit”. Sot më 24 mars u bënë 26 vjet nga rezistenca e UÇK-së me...

Lajmet e Fundit