Një adoleshente ka ngelur e plagosur në kokë pasi është goditur nga një bashkëmoshatar i saj me tytën e një pistolete.
Mësohet se ngjarja ka ndodhur në një nga klasat në shkollën e mesme të fshatit Gjorm të qytetit të Vlorës. Deri në këto momente dihet që nxënësi që ka goditur vajzën 17 vjeçare, është larguar nga vendi i ngjarjes.
E reja është transportuar në spitalin e qytetit bregdetar, ku edhe ka marrë mjekimin e duhur nga bluzat e bardha. Ndërkaq policia po heton për zbardhjen e detajeve dhe kapjen e autorit. /Noa/