12.8 C
Prizren
E enjte, 28 Mars, 2024

Rrihen gratë e PS-së dhe LSI-së

Bindjet politike janë kthyer në mollën e sherit mes dy punonjëseve të poliklinikës në Ersekë.

Shefja e financës në këtë poliklinikë, një grua 55-vjeçare, është sulmuar fizikisht nga shefja e personelit dhe shkak është bërë angazhimi i tyre politik në dy forca të ndryshme.

Sipas të dhënave, Kristina Stoja me detyre shefe finance e angazhuar me LSI është sulmuar në ambjentet e poliklinikës nga shefja e personelit, Dorina Tallo 32 vjeç.

Autorja, mbështetëse e PS e ka kërcënuar 55-vjeçaren me largim nga puna nëse ajo nuk votonte PS, ndërsa e ka dhunuar fizikisht duke i shkaktuar shenja në fytyrë dhe i ka thyer syzet optike.
Mësohet se gjithçka ka nisur në zyrën e shefes së financës, ku autorja ka shkuar dhe ka nisur të grindet e t’i bëjë presion të dëmtuarës.

Edhe pse 55-vjeçarja është përpjekur ta shmangë sherrin dhe ka lënë institucionin për të shkuar në bankë, ajo është ndjekur nga 32-vjeçarja dhe nëna e saj.

Sipas kallëzimit të bërë nga Stoja, nënë e bijë e kanë ndjekur gjatë rrugës për në Poliklinikë duke bërtitur me fyerje e sharje dhe sapo ka hyrë tek shkallët Tallo ka nisur ta godasë fizikisht duke i shkaktuar dëmtime në fytyrë, thyerje të syzeve optike dhe dëmtime të tjera.
Menjëherë 55-vjeçarja ka denoncuar në polici rastin dhe uniformat blu kanë nisur procesimin penal në gjendje të lirë ndaj 32 vjeçares.

Më Shumë

Kërkohet ndihmë financiare për 48-vjeçaren nga Prizreni, duhet të bëjë transplant të veshkës

48-vjeçarja Bedrije Dullaj nga Komuna e Prizrenit ka nevojë për ndihmën e qytetarëve. Bedrijes i duhet të bëjë transplant të veshkës. Operimi duhet të bëhet...

Kot grindem me hënën

Enver Sulaj Fjalët e shenjta më vijnë si profeci Si magji Si ankth Dhe më lënë pa frymë, pa fjalë. Sonte mori fund vuajtja Fjalët ikën tej reve Ti dridhesh si...

Lajmet e Fundit