Mediat në Shqipëri raportojnë se shpjegimi i vetëm i Ritvan Zykajt për vrasjen e tetë antarëve të familjes së tij ishte një akuzë që ai pretendon se i ishte bërë për vjedhjen e disa pulave.
“I vrava se më akuzonin mua për grabitjet e pulave”raportohet të ketë thënë i dyshuari para gjykatës.
Ritvan Zykaj do qëndroj në paraburgim me vendim të gjykatës së Vlorës.
Zykaj vrau pasditen e së premtes (10 gusht) 8 kushërinjtë e tij dhe ka plagosur 6 të tjerë. 24-vjeçari ka shkuar në banesën e vëllait të moshuar të gjyshit të tij dhe ka qëlluar me breshëri automatiku duke lënë 8 të vrarë.
Mes viktimave janë 3 gra dhe dy fëmijë.
Fillimisht, Ridvani vrau Demir Zukajn 75 vjeç dhe gruan e tij Perie, 72 vjeç. Më pas, ai ka shkrepur automatikun, djalit të Demirit, Azem Zykaj 45 vjeç dhe gruas së tij, Afërdita Zykaj 42 vjeç.
Autori i masakrës nuk është ndalur me kaq. Pasi ka braktisur shtëpinë e tyre, ai ka shkuar në banesën e djalit tjetër të 75 vjeçarit, duke vrarë Besimin, 43 vjeç dhe gruan e tij Vasilika, 42 vjeç.
Gjithashtu, ai ka vrarë edhe dy fëmijët e tij, Sara 16 vjeçe dhe Ledioni 8 vjeç.