Kryeministri i Serbisë, Aleksandar Vuçic, ka marrë konfirmimin zyrtar nga ambasadori rus në Serbi, Aleksandar Çepurin, se presidenti rus, Vladimir Putin, do ta vizitojë Serbinë më 16 tetor, për 70 vjetorin e çlirimit të Beogradit gjatë Luftës së Dytë Botërore.
Gjatë një takimi me gazetarët në kryeqytetin e Beogradit, kreu i qeverisë serbe, deklaroi se ka biseduar pa shumë detaje me ambasadorin rus për programin e vizitës së Vladimir Putin.
Sipas këtij programi, mediat në Serbi citojnë kryeministrin serb të ketë thënë se presidenti rus do të takohet edhe me presidentin e Serbisë, Tomisllav Nikoliç.
Presidenti rus Vladimir Putin pritet të marrë pjesë edhe në parakalimin e forcave ushtarake të Serbisë.