Për Sekretarin e Shtetit, Xhon Kerri bllokimi i ambasadorëve të rinj po e dobëson diplomacinë amerikane sidomos në “vendet ku vlerat e përbashkëta demokratike janë të kërcënuara”
Sekretari amerikan Xhon Kerri thotë se Shtetet e Bashkuara janë të shqetësuar për demokracinë në Shqipëri.
Shqetësimi i sekretarit Kerri është publikuar me një shkrim të tij në faqen e Departamentit Amerikan të Shtetit ku analizon gjendjen pas bllokimit të kandidaturave për ambasadorë në disa vende.
Në këto vende që sekretari Kerri i quan “strategjike” për Shtetet e Bashkuara përfshihet edhe Shqipëria:
Për zotin Kerri bllokimi i ambasadorëve të rinj po e dobëson diplomacinë amerikane sidomos në “vendet ku vlerat e përbashkëta demokratike janë të kërcënuara”.
Vendet e lëna bosh janë në disa vende strategjike të Europës, si Hungaria, Turqia, Republika Çeke, Moldavia dhe Shqipëria. Pa autoritetin e një ambasadori ne nuk mund të vazhdojmë angazhimin e plotë me zyrtarët e lartë në këto shtete ku vlerat demokratike janë nën kërcënim”-shkruan sekretari Kerri.
Ai jep më tej një shembull tjetër për domosdoshmërinë e emërimit sa më shpejt të një ambasadori për Shtetet e Bashkuara:
“Ne kemi nevojë për një ambasador në Guatemalë për të ndihmuar në gjetjen e mënyrave të parandalimit të dëshirës së fortë hyrjes në kufirin tonë të të vegjëlve të pashoqëruar”.
Shkrimi i Sekretarit të Shtetit, Xhon Kerri me titull “Pse është bllokues për diplomacinë Senati amerikan” u publikua në 8 korrik 2014./ylyriapress/