Zbulohen një tjetër rrjet prostitucioni në lokalet e Tiranës. Tre persona përfunduan në pranga nga policia e kryeqytetit, pasi dyshohet se në bashkëpunim me njëri-tjetrin shfrytëzonin femra për prostitucion, për qëllime fitimi.
Në kuadër të operacionit të koduar “Tallava 2015” u ndaluan shtetasit F. Xhemali, 26 vjeç, lindur në Berat dhe banuese në Tiranë, Ilir Peraj, 46 vjeç, lindur në Shkodër dhe banues në Tiranë dhe Anila Morava, 43 vjeç, lindur në Berat dhe banuese në Tiranë, ndërsa u procedua në gjendje të lirë shtetasi me inicialet A.D., 16 vjeç, lindur dhe banues në Tiranë.
Këta shtetas, dyshohet se në bashkëpunim me njëri-tjetrin, rekrutonin dhe më pas shfrytëzonin për qëllime prostitucioni vajza në lokalin e shtetasit Ilir Perajt, në periferi të Tiranës.
Gjatë kontrollit të uniformave blu në këtë lokal, janë gjetur disa balerina të punësuara në mënyrë të paligjshme, si dhe e mitura me inicialet F.GJ., e shpallur në kërkim, si person i larguar nga banesa që më datë 6 maj të këtij viti. E mitura dyshohet se është shfrytëzuar për prostitucion në këtë lokal. Materialet do t’i kalojnë Prokurorisë së Tiranës. /Shekulli/