13.8 C
Prizren
E enjte, 28 Mars, 2024

Edhe Hajrulla Çeku mohon se pati përplasje fizike me Arben Gashin

Deputeti i Vetëvendosjes, Hajrulla Çeku, ka mohuar se është përplasur fizikisht me shefin e Grupit Parlamentar të LDK-së, Arben Gashi, derisa ishin duke debatuar për çështjen e të pagjeturve në Kuvend.

Çeku për klankosova.tv ka thënë se u përpoq që të qetësojë situatën me tensione.

“Nuk kam pasur përplasje as me z. Gashin e as me dikë tjetër. Aty jam gjendur në përpjekjen për të qetësuar situatën e tensionuar që u krijua pasi disa deputetë të LDK-së tentuan të pengojnë fjalimin e deputetes Saranda Bogujevci. Andaj, është lajm i rremë që kam pasur përplasje fizike”.

Tensionet nisen kur Gashi ka akuzuar LVV-në se duke e politizuar çështjen e ndjeshme të të pagjeturve po e shfrytëzon atë për interesa politike.

Propozuesja e interpelancës, Saranda Bogujevci, derisa po fliste në foltore është përplasur me deputetin e LDK-së, Arben Gashi, pasi ky i fundit u dëgjua duke thënë se “duhet me të ardhur marre”.

Në një prononcim për klankosova.tv, edhe deputeti tjetër i Vetëvendosjes, Hekuran Murati, ka thënë se nuk ka pasur përplasje, por se vetëm ka qenë një situatë e tensionuar.

Më Shumë

Një person arrestohet në Prizren pas sulmit fizik ndaj bashkëjetueses

Një person është arrestuar në Prizren. Ai dyshohet se pas një mosmarrëveshje ka sulmuar fizikisht  femrën me të cilën bashkëjeton. “Viktima ka pësuar lëndime trupore, ndërsa...

Vetura godet një këmbësor në Prizren – arrestohet shoferi

Një aksident i rëndë trafiku ka ndodhur të dielën në Prizren rreth orës 21:50. Policia ka njoftuar se me këtë rast ka arrestuar një...

Lajmet e Fundit