Revista online “Saveur” e specializuar per kuzhinen autentike ka publikuar se fundmi një artikull mbi traditën e gatimit dhe gastronominë e Shqipërisë. Artikulli në formën e një reportazhi tregon se Shqipëria megjithë situatat politike dhe të shkuarën e trazuar është përpjekur gjithnjë të ruaje një traditë të pasur gatimi me ushqime të veçanta e tepër të shijshme.
Sipas revistës gatimi shqiptar është i përbërë nga receta misterioze shpesh të ndikuara nga kuzhina e vendeve fqinje apo ajo turke megjithatë të prekura nga një freksi e ushqimeve , një shije pikante delikate dhe spontanitet i amvisave.
Pavarësisht specialiteteve në zona, më e preferuara, cilëson revista, është Tava e Kosit. Një pjatë e thjeshtë ku përbërja kryesore është kosi, veza dhe mishi i qengjit. Duke shpjeguar gatimin e një tave kosi, revista thekson gjithashtu se qingjat i gjen lehtë në Shqipëri, në stane dhe po kështu dhe kosin, që ëhstë prodhim vendas dhe tepër i përdorur nga shqiptarët.