Drejtoria e Inspektorateve sot pas marrjes së informacionit nga një qytetar, i cili denoncoi rastin për hedhjen e mbeturinave inerte në natyrë nga persona të papërgjegjshëm, që shkaktoi në krijimin e një deponie ilegale dhe ndotje të mjedisit, në bashkëpunim me Policinë e Kosovës ka marrë masa të menjëhershme për ta gjetur personin në fjalë.
Rasti ka ndodhur në rrugën Prizren-Reçanë, ndërsa personi në fjalë është gjetur me shpejtësi dhe me këtë rast i është dërguar kërkesë Gjykatës Themelore të Prizrenit për fillimin e procedurave kundërvajtëse.
“Raste të tilla nuk do të tolerohen dhe Inspektorati komunal do të jetë i përkushtuar në vazhdimësi që t’i ndëshkojë keqbërësit”, thuhet nw komunikatwn e Komunws .
“Lusim qytetarët që t’i denoncojnë rastet e tilla në Qendrën e Thirrjeve tek numri pa pagesë 0800 19 200 apo në Viber dhe WhatsApp tek numri +38345119200, sepse vetëm në këtë mënyrë do të mund të rritet ndërgjegjësimi i qytetarëve për mbrojtjen e mjedisit”.