16.8 C
Prizren
E premte, 29 Mars, 2024

Janë dhënë fjalët përfundimtare në rastin e grabitjes të mbetur në tentativë në Prizren

Të premten, në Gjykatën Themelore në Prizren janë dhënë fjalët përfundimtare për rastin e grabitjes në tentativë, ku të akuzuar janë Lulzim Lubovci dhe Enis Tara.

Në fillim të kësaj seance, prokurorja Ervehe Gashi deklaroi se fjalën përfundimtare e ka përgatitur me shkrim, të cilën e ka elaboruar edhe gojarisht, duke shtuar se veprimet e të akuzuarve kanë plotësuar elementet esenciale të veprës penale të grabitjes në tentativë, raporton “Betimi për Drejtësi”.

Në këto rrethana, prokurorja Gashi i propozoi gjykatës që ndaj të akuzuarve Lulzim Lubovci dhe Enis Tara, gjykata të shpall aktgjykim dënues.

Pas kësaj, mbrojtësi i të akuzuarit Lulzim Lubovci, avokati Blend Gjini tha se fjalën përfundimtare e ka përgatitur me shkrim, duke i propozuar gjykatës që masa e paraburgimit ndaj të mbrojturit të tij, të akuzuarit Lubovci, të zëvendësohet me masën e arrestit shtëpiak deri në shpalljen e aktgjykimit.

I akuzuari Lulzim Lubovci deklaroi para trupit gjykues se pajtohet me fjalën e avokatit Gjini, duke shtuar se është penduar për veprimet e tij dhe kërkoi nga gjykata që masa e paraburgimit të i ndërpritet dhe të zëvendësohet me masën e arrestit shtëpiak.

Në anën tjetër, mbrojtësi i të akuzuarit Enis Tara, avokatja Leudita Skoro deklaroi se edhe fjalën përfundimtare e ka përgatitur në formë të shkruar, duke propozuar që e njëjta të jetë pjesë e procesverbalit të kësaj seance.

I akuzuari Enis Tara e mbështeti në tërësi fjalën e avokates Skoro.

Pas këtyre, kryetarja e trupit gjykues, gjykatësja Raima Elezi mori vendim që të pandehurit Lulzum Lubovci i ndërpritet masa e paraburgimit dhe i zëvendësohet me masën e arrestit shtëpiak.

Gjithashtu, gjykatësja Elezi konstatoi se anëtarja e trupit gjykues, gjyqtarja Shpresa Emra do të jetë në pushim, dhe për këtë shpalljen e aktgjykimit e caktoi më 09 nëntor 2002, në ora 15:00.

Ndryshe, sipas aktakuzës së Prokurorisë Themelore në Prizren, e përpiluar më 18 shtator 2019, të pandehurit Lulzim Lubovci, ( i cili gjendet në paraburgim prej 24 qershorit të vitit 2019 ) si dhe Enis Tara, ( i cili ka qenë në masën e paraburgimit nga 25 qershori, e deri më 15 gusht 2019 ) po akuzohen sepse më 23 qershor 2019, rreth orës 23:20 minuta, në sheshin marash të Prizrenit, në bashkëkryerje tentojnë që me përdorimin e forcës ta përvetësojnë pasurinë e luajtshme të personit tjetër.

Lidhur me këtë, sipas aktit akuzues, të akuzuarit Lubovci dhe Tara, kanë vepruar në atë mënyrë që në momentin e vendit  kritik, i vërejnë të dëmtuarit Luan Morina dhe Bajram Berisha, ku pastaj i pandehuri Lulzim Lubovci i urdhëron që të dy të dëmtuarit duke e kapur për krahu të dëmtuarin Luan Morina që t’i afrohen rrapit ku ishte në terr.

Në këtë rast, i drejtohen  të dëmtuarve me fjalë “qitni pare, qitni pare”, pastaj i pandehuri Lubovci e godet me grusht ( në të cilin e kishte të vendosur grushtin e hekurit ) në kokë të dëmtuarin Luan Morina disa herë, thuhet ne aktakuzë.

Po ashtu, në aktin akuzues thuhet se i pandehuri tjetër Enis Tara tenton ta godet të dëmtuarin tjetër Bajram Berisha, i cili në atë moment ka ikur nga vendi i ngjarjes, ku pastaj të pandehurit Lubovci dhe Tara kanë vazhduar ta godasin nëpër pjesë të ndryshme të dëmtuarin Luan Morina, i cili është rrezuar në tokë.

Në ato momente, i pandehuri Lubovci i kontrollon xhepat e të dëmtuarit për të gjetur para, nuk gjen para dhe largohen, ku pastaj të dëmtuarin Morina qytetarët e rastit e dërgojnë në spital.

Me këto veprime, të pandehurit në cilësi të bashkëkryerësve kanë kryer veprën penale të grabitjes së mbetur në tentativë./BetimipërDrejtësi

Më Shumë

25 vjet nga masakra në familjen Berisha në Suharekë

25 vjet më parë, forcat serbe fillimisht kishin shtënë me armë zjarri në drejtim të rreth 50 anëtarëve të familjes Berisha, e më pas...

Analiza e sigurisë dhe planet për vitin 2024

Mbledhja e radhës e Këshillit Komunal për Siguri në Bashkësi (KKSB) e Komunës së Prizrenit u zhvillua sot në sallën e Kuvendit të Komunës,...

Lajmet e Fundit