Forumi Rinor AAK-LDD, ka organizuar në lokalet e Cafe Barin “Porta” një mbrëmje rinore me këngëtarë, DJ dhe Karaoke, ku morën pjesë qindra të rinj, anëtarë dhe simpatizantë të AAK-së dhe LDD-së.
Me këtë rast, kandidati për kryetar të Prizrenit nga koalicioni AAK-LDD Lulzim Kabashi në këtë mbrëmje rinore para të rinjve tha se për postin e kryetarit të Prizrenit ka kandisura vetëm për t’ia siguruar të rinjve një jetë më të mirë.
“ Qëllimi pse unë kam kandiduar për kryetar të komunës jeni ju. Unë i kam vënë synim vetes që të jem kryetar i ardhshëm i komunës, për të siguruar të ardhmen tuaj, që ju të keni jetë më të mirë, më të sigurt,dhe mbi të gjitha të keni punë. Jam shumë i sigurt se kemi një rini më të mirën në botë, dhe ju jeni rinia më e shëndoshë dhe më intelegjentem, andaj e kemi besimin e plotë që atë energji pozitive që ju e posedoni, ne do ta orientojmë bashkë me një qeverisje të mirë për katër vitet e ardhshme “.
Të pranishmit në këtë mbrëmje rinore, u argëtuan me muzikë deri në orët e vona të natës./PrizrenPress.com/