16.8 C
Prizren
E enjte, 28 Mars, 2024

Komuna e Prizrenit planifikon të ndërtojë një stazë ‘PUMP TRACK’

Një stazë ‘PUMP TRACK’ është duke u planifikuar të ndërtohet në Prizren për të gjithë adhuruesit e këtij terreni.

Sipas njoftimit për kontratë, Komuna e Prizrenit ka planifikuar të shpenzojë për këtë stazë, 57 mijë euro.

Në njoftimin për kontratë thuhet se kjo stazë do të jetë e gjatë 180 metra dhe gjithashtu do të shtrohet me asfalt special për ‘PUMP TRACK’ dhe që nga dhënia e kontratës, ky projekt pritet të realizohet brenda 60 ditësh.

Sipas Komunës së Prizrenit kjo pistë do të ndërtohet në afërsi të Qendrës Sportive dhe është projekt i Drejtorisë për Turizëm.

Komuna e Prizrenit për këtë projekt ka procedurë tenderuese të hapur dhe të gjithë Operatorët Ekonomik që tri vitet e fundit kanë punuar projekte të natyrës së tillë mund të aplikojnë deri me 6 prill.

Këto staza janë multi-sportive dhe të gjithë ata që përdorin ndonjë pajisje me rrota mund të përdorin, skateboarder-s, motoçiklistë, çiklistë, madje edhe personat që përdorin një karrige me rrota.

‘PUMP TRACK’ është një stazë e valëzuar, ka nivel të lartë të sigurisë, është e përshtatshme për të gjitha moshat me infrastrukturë gjithëpërfshirëse rekreative aktive, qofshin ata fillestarë apo profesionistë. /Kallxo.com

Më Shumë

Antidroga me aksion në Prizren dhe Gjakovë, ka të arrestuar

Drejtoria për Hetimin e Trafikimit me Narkotik, e asistuar nga Policia e Kosovës ka realizuar operacion policor në disa lokacione në Prizren dhe në...

25 vjet nga ndërhyrja historike për paqen në Kosovë

Sot mbushen 25 vjet nga fillimi i sulmeve ajrore të NATO-s kundër caqeve serbe. Aeroplanë të NATO-s bombarduan në territorin e Serbisë, Kosovës dhe Malit...

Lajmet e Fundit