Më zuri shiu më zuri
shpejtë më zuri e më qulli
te mulliri kishte ndaluar guri
nuk bluhej gjë veç fjalëve
më zuri shiu te mulliri
qetësi vetëm zhurmë shiu
një homazh për mullis Avdiun
po shuhej ngadalë 24 prilli
pikoninin gjethet e rrapit
kafeneja e zbrazët dremiste
të zgjohej pakëz më vonë
vetëm lumi për heshtjen nuk pyeste
rrëkeve të ujit skrrajat përpëliteshin
një përpjekje për shpëtim
kush ia mori shpirtin kroit
do t’ia ndieja një psherëtimë
Skender Berisha
24 prill 2014,Prizren