14.8 C
Prizren
E enjte, 28 Mars, 2024

“DokuPhoto” hapet me ekspoziten e fotografit Donald Weber

Donald Weber-fotografist1

Anëtari i Agjencionit të Fotografisë VII dhe fotografi i njohur Donald Weber, do të ekspozojë projektin e tij të fundit në këtë edicion të “DokuPhoto”.

“Koordinuar nga fotografi Kosovar Ferdi Limani, ekspozita “Barricade: The EuroMaidan Revolt” mbledh portrete të njerëzve që Donald Weber takoi në rrugë, një përmbledhje të kokteleve Molotov që kanë qenë arma e zgjedhur e protestuesve EuroMaidan në Kiev si dhe gjërat personale multi-milionëshe të presidentit Viktor Yanukovich të gjetura në rezidencën e tij luksoze në Mezhigiriya”, thotë drejtuesja e komunikimit të “DokuFest”, Nita Deda.

Donald Weber-fotografist

“DokuPhoto” do të hapet të premten më 15 gusht në rrugën e Saraqëve, në mes të Hamamit dhe Shtëpisë së Kulturës në Prizren, me praninë e Donald Weber. Fotografitë do të ekspozohen deri më 24 gusht.

“DokuFest” poashtu do të organizojë një master-klasë me Donald Weber për tregimin e storieve dhe ndërtimin e narrativës vizuele përmes fotografisë.

“Përveç kësaj, Weber do të jetë pjesë e një seance të shqyrtimit të porotfoliove (portfolio review) drejtuar fotografëve profesional të cilët dëshirojnë të diskutojnë për punën e tyre dhe të eksplorojnë praktikën e tyre të dokumentimit”, thotë Deda. /PrizrenPress.com/

 

Më Shumë

Zhdukja e kobshme – Niset për shtëpi, e moshuara nga Rahoveci vdes në mal

Si rëndom, edhe pasditen e së dielës doli nga shtëpia, por në të nuk u kthye e gjallë.   Hajnishahe Hoti nga Ratkoci i Rahovecit pasi...

MKRS-ja shpall thirrjen për art, kulturë dhe trashëgimi kulturore

Ministria e Kulturës, Rinisë dhe Sportit (MKRS) ka njoftuar se ka shpallur thirrjen publike për projekt-propozimet në fushën e artit, kulturës dhe trashëgimisë kulturore...

Lajmet e Fundit