“EC Ma Nryshe”, përmes një deklarate, thotë se po i përcjellë me shqetësim zhvillimet e fundit që lidhen me rastet e dyshuara të punësimeve jo të rregullta në shkollat e komunës së Prizrenit.
“Qytetarët e Komunës së Prizrenit kanë të drejtë që të shprehin publikisht vullnetin e tyre për zhvillimet në pushtetin lokal, respektivisht në rastin konkret në sektorin e arsimit”, thuhet në deklaratën e “EC Ma Ndryshe”.
“Zyrtarët komunal duhet të jenë të përgjegjshëm dhe llogaridhënës përballë publikut për të gjitha veprimet e tyre dhe gjendjen në arsim”.
“EC Ma Ndryshe konsideron se publiku duhet t’i shfrytëzojë të gjitha mjetet demokratike e qytetare, derisa autoritetet nuk zbardhin dyshimet”.
“Prandaj bën thirrje që protestat qytetare të jenë të qeta dhe demokratike”.
“Vetëm përmes mobilizimit të përgjithshëm shoqëror mund të ndalohet degradimi i mëtejmë i sektorit të arsimit në Prizren dhe të sigurohet dinjiteti për punonjësit e arsimit dhe cilësia për nxënësit”. /PrizrenPress.com/