9.8 C
Prizren
E premte, 29 Mars, 2024

Edicioni i katërt i Çmimit Kadare, Kim Mehmeti kryetar jurie

Gjatë promovimit të romanit më të ri të Kim Mehmetit është shpallur edhe juria e edicionit të katërt të çmimit letrar Kadare, që këtë vit do të kryesohet nga shkrimtari Kim Mehmeti, ndërsa anëtarë janë Genciana Abazi, Ledia Dushi, Agim Baçi dhe Eni Vasili. Vitin e kaluar çmimi i parë i këtij konkursi i shkoi autorit nga Kosova Musa Ramadani.

Ky çmim është pjesë e nismave jofitimprurëse të Institutit Europian Pashko për nxitjen dhe mbështetjen e letërsisë së re shqipe dhe autorëve shqiptar. Ky është një projekt jetëgjatë që krahas të tjerave gjithashtu synon edhe nxitjen e kritikës letrare shqipe.

Çmimi Kadare është krijuar posaçërisht për inkurajimin e autorëve të rinj, ku çdo vit vijnë rreth 40 dorëshkrime nga autorë të ndryshëm, ndërsa fituesi botohet dhe mbështetet me një fushatë komunikuese e marketingu, duke nisur prej muajit maj kur edhe shpallet çmimi.

Çmimi letrar Kadare nxit edhe shkrimin e veprave të tjera për konkursin e radhës. Ka edhe nga ata shkrimtarë pjesëmarrës të cilëve u është botuar vepra në kolanën e Mapo Editions. Në katër vite traditë të këtij çmimi është nxitur shkrimi i më shume se 100 vëllimeve në prozë të gjatë, që vjen si kontribut për letërsinë shqipe.

Fundjava e fundit e muajit maj është shndërruar kështu në një Festë të Letërsisë, kur krijohet një mjedis letrar me të rinj, dashamirës të letërsisë, shkrimtarë e kritikë.

Në nismat për mbështetje të letrave shqipe ku Universiteti Europian i Tiranës është i angazhuar është edhe suplementi i përjavshëm “Mapo Letrare”, ku prej 5 vitesh është krijuar një rrjet me kritikët dhe shkrimtarët më të mirë vendas si Preç Zogaj, Diana Çuli, Luljeta Lleshanaku, Rudolf Marku, Gentian Çoçoli, Agim Baçi, etj.

Gjithashtu po përgatitet çelja e degës së studimeve në Letërsi në UET me theks në shkrimin krijues.

Më Shumë

Bexheti: Pa UÇK nuk do të kishte intervenim të NATO-s

Sot mbushen 25 vjet nga fillimi i sulmeve të NATO-s ndaj caqeve ushtarake policore serbe. 25 vjet më parë NATO ndërhyri për të ndaluar...

“Messi i Prizrenit”, talenti që ishte afër transferimit në Manchester City

Në Prizren e thërrasin “Messi”. Shpesherë driblon bukur sikur Leo dhe dhuron magji me të majtën. Ylli Myrtezanin dhe kampionin e botës e lidh një fakt...

Lajmet e Fundit