Shkrimtari dhe gazetari Fatos Lubonja është shpërblyer me çmimin “Prince Claus”për gazetari e letërsi në Holandë, raportojnë mediat në Shqipëri.
Lubonja është nderuar për kontributin e tij dhe për luftën e vazhdueshme për demokraci e të drejta të njeriut dhe thënien e të vërtetës pa pasur frikë nga pushteti.
Për çmimin e vitit 2015 ishin të nominuar 105 persona prej të cilëve u zgjodhën 10 laureatët të prirë nga fotografja iraniane Newsha Tavakolian.
Çmimet do t’u dorëzohen fituesve më 2 dhjetor 2015 në Pallatin mbretëror në Amsterdam, në prani të familjes mbretërore.