“Ballkoni” me regji të Lendita Zeqirajt është vlerësuar me çmimin e parë në festivalin e filmit të shkurtër “Swikos” në Basel të Zvicrës.
Në kuadër të edicionit të tetë të këtij festivali u shfaqën gjithsej 14 filma, në mesin e të cilëve ai i Zeqirajt, që mori çmimin për filmin më të mirë. Gjashtë prej këtyre filmave që u shfaqën në ekranin e madh për dy ditë me radhë ishin produksione zvicerane.
Në këtë festival Kosova u prezantua me pesë filma. Dy filma ishin nga kineastë gjermanë, derisa një tjetër nga Maqedonia.