22.8 C
Prizren
E premte, 29 Mars, 2024

Filmat me temë fetare dhe suksesi i tyre

Film-Krishti i kryqezuarËshtë cilësuar “historia më e madhe e kohërave”, prandaj nuk është për t’u çuditur, që për më tepër se një shekull Hollivudi i rikthehet Biblës, duke e marrë frymëzimin prej saj. Prirja për filmat e bazuar tek besimi mbetet e fuqishme: industria e filmave prodhon 16 filma në vit me këtë temë. Shumë prej tyre mund të harrohen vetëm disa javë pasi shfaqen, ndërsa të tjerë mund të qëndrojnë për një kohë të gjatë nëpër kinema. Por çfarë i bën të sukseshshme filmat e frymëzuar nga feja?

Filmi “Son of God” mbi jetën e Jezu Krishtit, ka filluar të shfaqet nëpër kinematë amerikane dhe po ndiqet me shumë interes. Kishat në mbarë vendin janë duke marrë me qira kinema, që anëtarët e tyre ta shohin filmin.

Profesori i filozofisë, Martyn Oliver, thotë se filmat me Jezusin synojnë të tërheqn audiencat e krishtera, transmeton VOA.

“Nuk ka ndonjë vizion të veçantë nga ana e producentëve për këta filma, kjo do të thotë se ata ofrojnë një informacion të njohur”.

Profesori Oliver thotë se producentët morën mbi vete pak rreziqe financiare, ngaqë tregu i audiencës së krishterë u vu në provë në vitin 2004, me filmin The Passion of the Christ. Ky filmi shumë i debatuar i Mel Gibsonit realizoi 1 miliardë dollarë fitime në mbarë botën.

“Ai zhvilloi një fushatë agresive në kishat protestante dhe në ato evangjeliste para nxjerrjes së filmit The Passion of the Christ.”

Gibson po ashtu kishte një vision artistik me këtë film, thotë Profesori Oliver. Portretizimi i tij i dhunshëm dhe polarizues i Jezusit i hipnotizoi njerëzit në mbarë botën. Son of God nuk është në të njëjtin nivel me filmin e Gibsonit dhe audienca që ai synon mund të pakësohet shpejt.

Ndryshe nga Son of God, një histori e admirueshme dhe miqësore për Jezusin, Noah i Darren Aronofskit është një histori e rëndë, apokaliptike mbi fundin e botës.

“Aronofsky përqëndrohet tek zemërimi i Zotit, dhe ky është një zot, për të cilin ne nuk duam të mendojmë. Ai është një zot aspak miqësor dhe në këtë kuptim, portretizimi i tij i karakterit të Noe-së nuk është një Noe i krishterë.”

Profesor Oliver thotë se personazhi i Noe-së i Aronofskit është pranë historisë së Biblës së pranuar si nga hebrejtë, të krishterët edhe nga myslimanët. Por ky film mund të mos jetë një sukses. Ai u prit në mënyrë të vakët në Meksikë nga një audiencë kryesisht katolike, së cilës ju duk tepër i errët dhe që nuk shpreh nderim për karaktarin e Noe-së. Shumë myslimanë po ashtu e kundërshtojnë filmin, sepse Islami ua ndalon paraqitjen vizuale të profetëve të tyre.

Megjithatë, personazhi i Noe-së mund të jetë i pëlqyeshëm për njerëzit që ndjejnë se mesazhi i tij ambjentalist “mbro natyrën, ose vdis prej saj” tingëllon i vërtetë në botën e sotme. Edhe fakti që filmi ka efekte speciale impresionuese, është një tjetër faktor që e bën atë të pëlqyeshëm.

Profesor Oliver thekson se edhe për filmat më të mirë fetarë, suksesi nuk është i sigurt.

Por nëse një film ka një vizion artistik, një mesazh të fuqishëm dhe një histori tërheqëse, mund të përjetosh momente vërtet të mrekullueshme kur e sheh.

Më Shumë

25 vjet nga masakra në familjen Berisha në Suharekë

25 vjet më parë, forcat serbe fillimisht kishin shtënë me armë zjarri në drejtim të rreth 50 anëtarëve të familjes Berisha, e më pas...

Libri i pashkruar i Petro Markos

Nga: Lazër Stani Dy ose tri javë nuk e takova më Petron (Marko) edhe pse dilja pothuajse çdo mbrëmje nga Kafeneja e Gazetarëve. Nuk e...

Dhimbja

Lajmet e Fundit