Aktori Hary Dean Stanton u nda nga jeta më 15 shtator të këtij viti në moshën 91 vjeçare, ndërsa vdekjen e tij e konfirmoi agjenti i tij, i cili tha se Stanton ka vdekur nga shkaqet natyrale në Cedars-Sinai Hospital në Los Angeles.
Pas dy dekadash pjesëmarrjeje në filma të vegjël, Stanton kishte arritur sukses më në fund në rolin kryesor në filmin e vitit 1984 “Paris, Texas”, në moshën 58 vjeçare.
Ndërsa rolet e tjera për të cilat ai njihet janë në filmat “Pretty In Pink”, “Repo Man”, “Alien”, dhe si Carl Rodd në “Twin Peaks”.
Me të marrë lajmin për vdekjen e Stanton, vërshuan ngushëllimet dhe nderimet për të, nga produksioni i serisë “Twin Peaks” dhe nga regjisori David Lynch i cili e quajti aktor të madh Stanton-in.
Fjalë të mëdha për ta dhanë edhe yjet si Jon Cryer, Sky Ferreira, Ed Begley Jr., Shawn Doyle, John Carpenter, Olivia Wilde, James Woods, Stephen King dhe shumë të tjerë.