Vitet e fundit skena vendore e Jazz-it është zhvilluar si asnjë skenë tjetër. Dita Ndërkombëtare e Jazz-it po afrohet e për të festuar këtë ditë janë mbledhur disa prej muzikantëve më të mirë të Jazz-it që i kemi në vend.
Tinguj e kitarës së kitaristit Armend Xhaferi e bashkë me të edhe muzikantët si: Ilir Bajri, Nesim Maxhuni, Kiril Tufekcievski dhe Arian Randobrava do të ju shoqërojnë në këtë mbrëmje të mbushur me muzikë të mirëfilltë.
Koncerti do të mbahet me datën 30 prill, duke filluar nga ora 21:00, në Dit’ e Nat’, në Prishtinë.