16.8 C
Prizren
E premte, 29 Mars, 2024

Librat e rinj që nuk duhet t’i mungojnë verës tuaj

Libra të rinj

Romane triller dhe pasionante si dhe një libër me kujtime. Ja cilat janë botimet e reja të kësaj vere, që mund t’i zgjidhni dhe merrni me vete për pushime.

MAXHUN PEKA – NJË JETË NË DIPLOMACI

Botimet Onufri

Çmimi 2000 lekë

Kujtime

Faqe 376

“Një libër i mirë s’ka nevojë për komente. Ai është si kroi në mal: mjafton të bësh me shenjë ku ndodhet, i eturi shkon te gurra vetë.

“Një jetë në diplomaci”, – vetëm një jetë? Diplomati bën jetë paralele. Punët e dukshme, përditshmëria, si për çdo zyrtar, janë njëra. Por diplomati duhet të lexojë gjëra që syri i të tjerëve nuk i sheh. Jo rrallë profesioni e do që tjetër të kesh në mendje e tjetër të thuash, tjetër të dëgjosh me veshë e tjetër të dëgjosh me mendje. E do të buzëqeshësh kur të dhemb shpirti ose e kundërta. Në këtë kuptim, ambasadori Peka mund të flasë për dy jetë.” shkruan Mehmet Elezi për li ri  e ri të diplomatit Maxhun Peka.

Vazhdimësia në detyrë në dy epoka aq larg njëra-tjetrës, nga diktatura në demokraci, është një përvojë e pazakontë. Po aq sa dhe misionet diplomatike “flakë e borë”: nga Vietnami në zjarr, ku skenat e luftës dridhnin planetin, në Parisin vezullues, ëndërr për çdo diplomat; nga bota arabe me veçoritë e kulturës dhe ekzotikën, në një metropol aziatik si Pekini, që tronditi botën me ritmet marramendëse të zhvillimit.

Një kaleidoskop diplomatik i papërsëritshëm, me të cilin autori josh, intrigon, jo nën trysninë e emocioneve. Me të vërteta arritjesh dhe mos- arritjesh.

Mund të thuhet se Maxhun Peka ka pasur fat? Me gjasë, fati në këtë botë vështirë përjashtohet si faktor. Por fati ka diçka të përbashkët me talentin. Të dyve duhet t’u shërbesh fort me punë. Thonë fati duhet mbërthyer për flokësh. Si mund të mbërthehet “për flokësh” në diplomaci?

Ka një formulë të thjeshtë sa dhe të ndërlikuar, u thotë Peka pasar- dhësve me këto kujtime. Profesionalizmi mbi politikat e brendshme të ditës, mbi ideologjitë. Dashuria për vendin tënd, përkushtimi për të, jo për partitë e individët.

Lëndë jetësore tepër e vëllimshme. Në jetën profesionale të Pekës ka edhe plot ngjarje e imtësi, që bërtasin e shtyjnë me bërryla. Hapuni, edhe ne duam hapësirë në libër, kemi sharm, kemi domethënie. Duke hyrë në lëkurën e autorit, e ndiejmë që s’e ka pasur lehtë, çka me përzgjedhë më përpara?

Zgjidhja më e mirë për këto “hatërmbetje”, një libër i dytë.

Nuk dimë ç’ka në mendje ambasadori Peka, mendjet e diplomatëve janë të palexueshme.

HARLAN COBEN – MALL PËR TY

Botimet Toena

Çmimi 1500 lekë

Faqe 568

roman/thriller

Përkthyer nga anglishtja nga Maniela Sota

Harlan Coben — autori  i klasifikuar i pari në listën e shkrimtarëve më të lexuar sipas New York Times-it, botohet për herë të parë në shqip. Fitues i disa trofeve, si Çmimit Letrar më të famshëm dhe më të paguar në të gjithë botën për romane të kategorisë mister/thriller: RBA Prize for Crime Writing (Premio RBA de Novela Policiaca).

— Fitues i Edgar Award (Edgar Allan Poe)

— Fitues i Anthony Award (Anthony Bucher)

Mall për ty (Missing you) është një thriller kushtuar një dashurie të parealizuar dhe një krimi që shoqërojnë jetën e personazhit kryesor të romanit.

Kejt Donovan, detektivja e Departamentit të Policisë së Qytetit të Nju-Jorkut, duke lundruar në një faqe interneti për njohje të reja, ndjeu se iu përmbys bota.

I fejuari i saj i dikurshëm, të cilin nuk e kishte parë prej tetëmbëdhjetë vjetësh, burri që i kishte copëtuar zemrën, po e vështronte ngultas nga ekrani i kompjuterit.

Por, kur Kejt nis të hyjë në komunikim online me burrin që fshihej pas atij profili, një komplot i paperceptueshëm del në dritë. Ndërkohë që fillon të hetojë, ndjenjat e saj për çdo njeri që kishte dashur, u vunë në dyshim – madje, edhe ato për babanë e saj, vrasja mizore e të cilit mbeti për Kejtin një enigmë e pazbuluar.

Duke guxuar dhe thelluar hetimin, ajo vë në rrezik jo vetëm jetën e saj, por edhe atë të njerëzve që e rrethojnë…

“Romanet e Harlan Coben-it janë si labirinte… Nëse do të jeni të mençur, do ta ‘përpini’ këtë libër dhe puzzle do të plotësohet.” shkruan The Huffington Post

Nsërsa sipas The Providence Journal  “Autori eksploron kostot e bashkëjetesës sonë të çmendur me teknologjinë… duke e bërë ‘Mall për ty’, një libër që nuk duhet humbur.”

JOHN GRISHAM – ORTAKU

Botimet DUDAJ

Çmimi 900 lekë

Faqe

roman/thriller

Përktheu nga anglishtja Aurel Manushi

Romani Ortaku, i shkruar në vitin 1997, tregon historinë e Patrikut, dikur një ortak në një studio ligjore, i pasur dhe shumë i aftë profesionalisht, por që pasi vodhi 90 milionë dollarë nga studioja e tij mori arratinë, deri sa u kap në xhunglat braziliane. Dhe ndërsa kthehet në atdhe për të marrë pjesë në procesin gjyqësor ndaj tij, ai përgatit mbrojtjen duke pasur një informacion që askush nga akuzuesit nuk e di.

Më Shumë

Suharekë: Kontrollohen dy shtëpi, sekuestrohet arma

Në fshatin Nishor të Suharekës janë kontrolluar dy shtëpi të dy të dyshuarve, ku janë gjetur dhe sekuestruar një pistoletë, 16 fishekë me gaz...

Ish-zëvendësministri për vrasjet në Kosovë: Duhet të angazhohet edhe AKI-ja, kjo është shndërruar në problem kombëtar

Ish-zëvendësministri i Punëve të Brendshme, Valdet Hoxha, ka folur mbi ngjarjet e fundit në vend, ku është rritur numri i vrasjeve. Ai tha se pjesën...

Lajmet e Fundit