Komiteti për arsim, kulturë, rini dhe sport në Malishevë, në mbledhjen e pestë të radhës, ka trajtuar raportin e Drejtorisë për Arsim dhe Edukim, për përfundimin e vitit shkollor 2013-2014 dhe fillimin e vitit të ri shkollor 2014-2015. Para anëtarëve të komiteti, këtë raport e prezantoi drejtori i drejtorisë për arsim, Blerim Thaçi.
Komiteti për arsim, kulturë, rini dhe sport, mori vendim për formimin e një komisioni, që do të merret me hulumtimin e mënyrës së përzgjedhjes së stafit mësimor për vitin shkollor 2014-2015.
Drejtori Thaçi, e njoftoi komitetin edhe me përgatitjet e Komunës, për shënimin e 10 vjetorit të tragjedisë së Fushë Arrëzit, ku në një aksident komunikacioni, humbën jetën 15 maturant nga gjimnazi i Malishevës.
Në këtë mbledhje, para anëtarëve të komiteti, ka raportuar edhe drejtoresha për kulturë, rini dhe sport, Blerta Krasniqi, lidhur me aktivitetet kulturore, rinore dhe sportive, në këtë fillim të vitit të ri shkollor 2014-2015.
Sipas drejtoreshës Krasniqi, gjatë këtij muaji, janë zhvilluar një varg aktivitetesh kulturore, rinore, sportive dhe edukative, aktivitete të cilat kanë rastisur edhe me shënimin e Ditës së Rinisë. /PrizrenPress.com/