13.8 C
Prizren
E enjte, 28 Mars, 2024

Mbahet konferencë shkencore regjionale

Instituti për Studime Ligjore dhe Demokratike (ISLD) sot (e shtunë) organizon Konferencën e III-të Shkencore Regjionale, Kosovë, Shqipëri, Maqedoni, Mali i Zi dhe Serbi, me temë: “Të arriturat dhe sfidat e shteteve të Ballkanit në rrugën e integrimit evropian”.

Hapja ceremoniale e konferencës do të bëhet në orën 10:00 në sallën e Kuvendit Komunal të Gjilanit, ndërsa konferenca punimet do t’i zhvillojë prej orës 11:00 deri orën 15:00 në sallën e Kuvendit Komunal Gjilan dhe sallën e konferencave të Hotel “Kristal” Gjilan. Publiku i interesuar mund t’i ndjekë prezantimet e punimeve.

Në pjesën e parë të hapjes ceremoniale do të marrin pjesë kryetari i Komunës së Gjilanit, Lutfi Haziri, nënkryetari i Komunës së Vitisë, Hasan Aliu, drejtori i Institutit për Kërkime dhe Zhvillim të Ulqinit, prof. dr. Elez Osmani dhe drejtori i ISLD-së, Flamur Hyseni. Në konferencë me punime do të paraqiten 106 punëtorë shkencorë nga fakultet e shkencave shoqërore të universiteteve publike dhe private nga Shqipëria, Maqedonia, Kosova, Mali i Zi dhe Serbia.

Punimet që do të prezantohen ndërlidhen me fushën e integrimeve evropiane, çështje të zhvillimit ekonomik, diplomacisë, sundimit të ligjit, të drejtave të njeriut, çështje sociale etj. Punimet do të botohen në revistën e shkencave shoqërore “Reforma”, nr. 2/2015, të cilën e boton ISLD-ja. Konferencën e kanë mbështetur: FES-i, Komuna e Gjilanit, Komuna e Vitisë, VALA.

Më Shumë

Haradinaj në Prizren: Koalicioni i prirë nga Aleanca është shndërruar në forcë serioze politike

Kryetari i Aleancës për Ardhmërinë e Kosovës, Ramush Haradinaj, ka thënë se koalicioni parazgjedhor i prirë nga AAK, është shndërruar në forcë serioze politike. Haradinaj...

25 vjet nga ndërhyrja historike për paqen në Kosovë

Sot mbushen 25 vjet nga fillimi i sulmeve ajrore të NATO-s kundër caqeve serbe. Aeroplanë të NATO-s bombarduan në territorin e Serbisë, Kosovës dhe Malit...

Lajmet e Fundit