Një ndër seksionet e kësaj konference është edhe ai i shkencave mjekësore ku do të shkëmbehen ide dhe eksperienca.
Hulumtues shkencorë të vendeve të rajonit janë mbledhur në Prishtinë ku po marrin pjesë në takimin e nëntë vjetor, me temën “Shkenca faktor i rëndësishëm i zhvillimit të qëndrueshëm, shoqëroro-ekonomik”.
Një ndër seksionet e kësaj konference është edhe ai i shkencave mjekësore ku do të shkëmbehen ide dhe eksperienca.
“Ky aktivitet ka qëllim përmbledhjen e të gjithë hulumtuesve shkencorë nga të gjitha vendet kombëtare dhe mbarëkombëtare, që të mblidhen në një takim të veçantë e të vetëm për të shkëmbyer eksperienca dhe përvojat e tyre shkencore të cilat ata i kanë arritur gjatë një viti. Kështu që këtë vit e kemi fatin që këtë eveniment ta organizojmë në Kosovë, pasi që në vitet e kaluara ka qenë në Shqipëri, Maqedoni në një vit ka qenë edhe në Kosovë kështu që shkon cirk”.
“Vërtetë është privilegj për këto 9 vite zhvillimet e Alb-Shkencës, të arrijnë në një shkallë kaq të lartë, mblidhen krerët e shkencës kombëtare dhe punimet e tyre, hulumtimet e tyre shkencore ia ofrojnë regjionit por edhe Evropës dhe botës në përgjithësi. Ne si Ministri e Arsimit kemi rast të veçantë që zhvillimet e mëtejme ekonomike shoqërore t’i mbështesin në zhvillimet e shkencës dhe në zhvillimin e lirë. Kjo arrihet dhe po zhvillohet edhe më tutje falë bashkëpunimit kaq të ngushtë të udhëheqësve shkencorë në të gjitha fushat. Ne besojmë shumë si Ministri e Arsimit dhe përkrahja jonë do të vazhdojë edhe më tutje me qëllimin e vetëm që rezultatet dhe idetë e shkencorëve të jetësohen dhe këto rezultate të jenë përfituese të secilit qytetar në krejt pjesët e botës”.
Kjo konferencë shkencore organizohet nga instituti Alb shkenca.