Ministri i MKRS-së, Kujtim Gashi ka vizituar sot Shoqërinë Kulturore Artistike “Agimi”.
Gjatë kësaj vizite, ai është ka njoftuar për vendimin që Ministria e Kulturës, Rinisë dhe Sportit, ka marrë rreth përfshirjes së veprimtarisë së ShKA ‘Agimi’ në listën e përkohshme të mbrojtjes së trashëgimisë kulturore.
“Urova anëtarësinë e gjerë të kësaj shoqërie kulturore dhe të gjithë atyre që dhanë kontributin e tyre për shumë dekada në Shoqërinë ‘Agimi’.”, tha Gashi.
“Po ashtu, u zotova që kjo shoqëri kulturore, përshkak të veprimtarisë së bujshme që ka dhënë gjatë shtatëdhjetë viteve, do të këtë mbështetjen dhe përkrahjen e vazhdueshme timen si ministër, por edhe të MKRS-së”.
“Bashkëbiseduam edhe për problemet që ekzistojnë tash e një kohë të gjatë me disa anëtarë të cilët nuk pajtohen me zhvillimet në këtë shoqëri kulturore”.
“ U dakorduam që të fillojmë një dialog të ri për ta tejkaluar këtë ndasi dhe për të funksionuar shoqëria si një organizatë kulturore e bashkuar, pa probleme organizative”.
“Dialogun dhe takimet mes tyre do t’i lehtësojmë deri në tejkalimin e keqkuptimeve mes tyre dhe arritja e marrëveshjes e cila do t’i tejkalonte problemet e panevojshme, duke elimininuar keqkuptimet eventuale”.
“Dua ti falënderoj të gjithë ata që e mirëpriten iniciativen tonë dhe shprehen gatishmëri për vazhdimin e takimeve, deri te zgjidhja e problemeve ekzistuese”./PrizrenPress.com/