Kryetari i Komunës së Prizrenit, Ramadan Muja,ka uruar rektorin e ri të UPZ-së, Ramë Vatajn.
Ai me vete ka marrë edhe kryetarin e Degës së PDK-së në Prizren,Minisr Krasniqn
Rektori Vataj e falënderoi kryetarin Muja dhe bashkëpunëtorët e tij për vizitën .
Ai kërkoi nga Muja që të vazhdojnë mbështetjen e këtij Universiteti si pushtet lokal në kapacitetin e tyre, në territorin e të cilës komunë është i vendosur kampusi universitar.
Vataj iu bëri me dije përfaqësuesve në pushtetin lokal se në vizionin e tij për menaxhimin e këtij universiteti ka paraparë edhe partneritetin me pushtetin lokal për të zhvilluar këtë universitet.
Në bazë të kompetencave të autoriteteve lokale, rektori Vataj kërkoi që të gjenden hapësira të reja të përshtatshme ku mund të zgjerohet universiteti dhe të ndikojnë që të ulet kostoja e udhëtimit në transportin publik për studentët dhe profesorët.
Rektori Vataj gjithashtu kërkojë që të krijohen lehtësira për studentët për qasje në institucionet kulturore të caktuara, nën autoritetin e komunës.
Kryetari i Prizrenit, Ramadan Muja, i cili ka qenë anëtar i ish-Bordit të Përkohshëm Qeverisës të këtij Universiteti pas themelimit, e përgëzoi rektorin Vataj për vizionin e tij për të zhvilluar këtë Universitetit dhe e siguroi se si pushtet lokal, në kapacitetin e tyre, do të ketë mbështetjen e pa rezervë për të quar përpara këtë Universitet.
Ai theksoi se për çdo vjet komuna ndan nga 50 mijë euro për bursa për studentët që studiojnë në universitet publike, duke shtuar se në të ardhmen do të shtojnë këtë fond me qëllim që studentëve të dalluar dhe atyre nevojtar nga shtresat ndjeshme dhe që kanë kontribuar për këtë vend, tu lehtësojnë koston e studimeve.
Muja e siguroi rektorin Vataj se do të mbesin në kontakt për çdo kërkesë eventuale që do tu parashtrohet dhe se do të adresohet me kohë, duke theksuar se mbështetjen do ta ketë të pa rezervë./PrizrenPress.com/