13.8 C
Prizren
E premte, 29 Mars, 2024

Në një konkurs në Dragash u pranuan familjarë të nënkryetarit e drejtorit të shkollës

Shahindere Ramadani, e reja e drejtorit të shkollës fillore “Ilmi Bahtjari” si dhe Zybejde Saiti, vajza e nënkryetarit të komunës së Dragashit, janë punësuar si mësimdhënëse në këtë shkollë, në konkursin e fundit të shpallur nga drejtoria e Arsimit e kësaj komune.

Por, përkundër që vendimi është bërë i ditur të mërkurën, drejtori i shkollës, Naser Meleqi ka thënë se nuk e di kush është pranuar në këtë konkurs, pasi nuk ka ende asgjë zyrtare, raporton KTV.

Ai shton se vetëm e ka njoftuar drejtorinë e Arsimit që, më 24 të këtij muaji, një mësimdhënës pensionohet dhe se një mësuese ka shkuar në pushim të lehonisë.

Edhe zyrtarët komunalë kanë thënë se konkursi ka qenë i rregullt.

Nënkryetari i komunës së Dragashit, Selami Saiti, ka thënë se nuk ka ndikuar pozita e cila mban, që këtë vend të punës ta fitojë vajza e tij, pasi, siç thotë nënkryetari, ajo kishte konkurruar edhe në disa konkurse në të kaluarën.

Ndërsa, 15 kandidatët e tjerë që kanë qenë në konkurs nuk kanë dashur të prononcohen, pasi thonë se nëse flasin nuk do të mund të gjejnë punë në këtë komunë, por shtojnë se do të dërgojnë ankesë në Agjencinë kundër Korrupsionit,pasi, sipas tyre, ky është konflikt interesi.

Dy mësimdhënëset e përmendura nuk kanë qenë të qasshme për të folur për mënyrën se si e kanë fituar punën.

Më Shumë

Totaj priti në takim përfaqësuesit e Shoqërisë Kulturo-Artistike “Dogru yol”

Kryetari i Komunës së Prizrenit, Shaqir Totaj priti sot përfaqësuesit e Shoqërisë Kulturo-Artistike “Dogru yol”, të këtij qyteti. Kjo shoqëri mban gjallë që 73 vjet...

Rifat Jashari kërkon që të gjithë shqiptarët të jenë të bashkuar

Në Gllogjan të Deçanit u mbajt manifestimi qendror i “Epopesë së Dukagjinit”. Sot më 24 mars u bënë 26 vjet nga rezistenca e UÇK-së me...

Lajmet e Fundit