13.8 C
Prizren
E enjte, 28 Mars, 2024

Nesër hapet Panairi i librit “Prizreni 2013”

Panairi-i-librit-ne-Prizren-659x439Mbi 30 shtëpi botuese nga Kosova, Shqipëria, Maqedonia, Turqia dhe Bosnja do të marrin pjesë në Panairin e librit “Prizreni”. Panairi organizohet nga Asociacioni për Kulturë, Edukim dhe Arsim (AKEA) dhe me përkrahjen e Ministrisë për Kulturë, Rini e Sport, si dhe Drejtorisë për Zhvillimin e Turizmit të Komunës së Prizrenit, nga data 19 deri më 25 gusht 2013.

Koordinator i Panairit të librit “Prizreni 2013”,Ditar Kabashi tha se ky panair organizohet për herë të pestë radhazi në Prizren. “Përveç shitjes së librave, në secilën mbrëmje do të ketë program të pasur letrar, takime me shkrimtarë dhe promovime librash e shtëpish botuese”, tha Kabashi.

Sipas tij, disa nga pjesëmarrësit që do të promovojnë krijimtarinë artistike do të jenë: Nimon Muçaj, Agim Gjakova, Ibrahim Kadriu, Zenun Çelaj, Salajdin Krasniqi, Faik Miftari, grupi letrar i Bibliotekës Ndërkomunale të Prizrenit, etj.

Panairi organizohet në ambient të hapur, në sheshin “Dëshmorët”, ish-parkingu i veturave, tani shëtitore, në qendër të Prizrenit.

Hapja solemne panairit do të bëhet të hënën, më 19 gusht 2013, në orën 19:00, ndërsa në ora 20:00 do të bëhet promovimi i veprave të autorit prizrenas Salajdin Krasniqi./PrizrenPress.com/

 

Më Shumë

‘O do të flasësh, o do të vdesësh’- Dëshmia tronditëse e ish-partizanit: Kapiteni dhe nëntogeri më torturonin

Antifashistët që ishin burgosur në Itali në rrethana të ndryshme, por që u liruan nga anglo-amerikanët në vitin 1943, pas largimit të misionit amerikan...

Ekspozita fotografike/ Transformimi i Hamamit të Gazi Mehmed Pashës në Prizren

Drejtori i Qendrës Rajonale për Trashëgimi Kulturore në Prizren, Samir Hoxha, ka ftuar të gjithë që të vizitojnë Hamamin e Gazi Mehmed Pashës. “Ejani dhe...

Lajmet e Fundit