Drejtori i Arsimit në Prizren,Nexhat Çoçaj, tregon se janë bërë të gjitha përgatitjet për fillimin e vitit shkollor 2014/2015.
“Në 26 shkolla tashmë janë realizuar punimet në renovimin e tyre gjatë pushimit të verës,ndërsa gjatë dy ditëve në vijim pritet që të përfundojnë punimet edhe në shkollën “Dëshmorët e Kabashit” në Korishë”, tha Çoçaj për TV Prizrenin.
Ai tha se Drejtoria e Arsimit është e përkushtuar që viti i ri shkollor të përmbushë të gjitha objektivat e parapara.
“Kemi arritur të sigurojë librat shkollor për të gjithë nxënësit e shkollave të komunës nga klasa 1-9. Shpërndarjen e tyre do ta bëjmë në fillim të vitit shkollor”./PrizrenPress.com/