Të mërkurën në shkollën e mjekësisë “ Luciano Motroni”, janë përuruar disa kabinete për punë më efikase në radhë të parë praktike me nxënësit e këtij institucioni arsimor.Fal investimeve të drejtorisë së shkollës dhe asaj të Shëndetësisë , janë përuruar disa kabinete për nevoja të kësaj shkolle.
Kryetari i komunës, Mytaher Haskuka, i shoqëruar nga drejtori i Shëndetësisë, Visar Shehu, dhe ai i Arsimit, Skender Susuri, ishin pjesë e një ceremonie solemne organizuar nga stafi i shkollës. Kryetari , Haskuka, përgëzoi drejtuesit e shkollës të cilët në bashkëpunim me drejtoritë respektive po mundësojnë kushte më të volitshme për punë në këtë institucion të rëndësishëm arsimor.
Drejtori I Shëndetësisë, Visar Shehu, tha se pas kërkesës së parashtruar nga drejtoria e shkollës, ne kemi mundësuar që të sjellim një karrigë stomatologjike për kabinetin e Farmacisë dhe Stomatologjisë, ndërsa edhe në të ardhmen do të bashkëpunojmë ngushtë për të ndihmuar me inventar të nevojshëm.
Ndërkaq, i gatshëm për bashkëpunim për realizimin e objektivave për kushte më të përshtatshme për punë dhe në shërbim të ngritjes së cilësisë në këtë shkollë, u shpreh edhe drejtori i Arsimit, Skender Susuri. Ushtruesi I detyrës së drejtorit të shkollës, Ridvan Hoxha, tha se për pajisjen e këtyre kabineteve, kemi ndarë 20 mijë euro, dhe investime të ngjashme në këtë institucion do të realizojmë edhe në të ardhmen, fal bashkëpunimit me komunën e Prizrenit.
Ndryshe, fal këtyre investimeve , është bërë përurimi i Dhomës se Mjekutpër shërbime emergjente për nxënës, kabinetit të Informatikës dhe pjaisjeve për kabinetin e Farmacisë e të Stomatologjisë (karriga stomatologjike dhuratë nga QMKF në Prizren) ,me ç’rast për nxënës e mësimdhënës janë krijuar kushte më të mira për zhvillimin e punës praktike./tvprizreni.info/