12.8 C
Prizren
E enjte, 28 Mars, 2024

Po vjen Prishtina Jazz

IlirBajri“Në këtë edicion që po shënojmë të nëntin me radhë do të prezantohemi me 6 mbrëmje koncertale ku pjesëmarrësit do të jenë nga Italia, Belgjika, Sllovenia, Shtetet e Bashkuara të Amerikës, Britanisë së Madhe, Turqia, Kosova…”, ka thënë drejtori i këtij festivali për KultPlus, Ilir Bajri

“Prishtina Jazz Festival”, është në përfundim e sipër të përgatitjeve për edicionin e nëntë, ngjarje kjo, që sikur viteve të tjera do të mbahet në teatrin “ODA”. Ilir Bajri, organizatorë i këtij festivali ka thënë për “KultPlus”, se mbrëmja e parë do të jetë më 4 nëntor, ndërkaq, mbyllja do të jetë më 9 nëntor.

“Në këtë edicion që po shënojmë të nëntin me radhë do të prezantohemi me 6 mbrëmje koncertale ku pjesëmarrësit do të jenë nga : Italia, Belgjika, Sllovenia, Shtetet e Bashkuara të Amerikës, Britanisë së Madhe, Turqia, Kosova…”, ka thënë Bajri.
Organizatori i këtij festivali më pas ka rrëfyer edhe për rëndësinë e këtij festivali, por, sipas tij, ai shumë më shumë do të kishte dashur të dinte se sa i rëndësishëm është edhe për të tjerët.

Mirëpo, sipas tij, përgjatë këtyre nëntë viteve sa është duke u ballafaquar ky festival me organizimin, duke pas parasysh mbështetjen institucionale, Bajri ka thënë se mbështetja e deritanishme ka qenë minimale. “Nga eksperienca qe kemi me institucionet e vendit dhe nga përkrahja minimale tash e nëntë vite, kollaj vjen deri te përfundimi se kjo ngjarje nuk konsiderohet edhe ngjarje e madhe dhe e dobishme për ta”, ka thënë Bajri.

Mirëpo, pavarësisht mbështetjes së paktë nga institucionet për këtë ngjarje kulturore, Bajri ka tjetër njësi matëse sa i përket rëndësisë së festivalit, atë të audiencës.

“Audienca, ndoshta është pjesa më e fortë e festivalit qysh prej edicionit të parë, dhe rëndom mysafirët ndërkombëtarë befasohen me vëmendjen, kondicionin dhe dëshirën e publikut për dëgjim e absorbim të materialeve dhe ideve muzikore që shpesh nuk janë edhe aq të lehta as për audiencat që kanë përvojë shumë më të gjatë në dëgjim të jazz muzikës”, ka thënë Bajri.

Në anën tjetër, për ekzistimin e këtij festivali dhe për zhvillimin e tij vetëm në kryeqendër, Bajri e sheh të vështirë misionin për lëvizjen e këtij festivali edhe nëpër qytete të tjera.

“Kemi provuar dhe ofruar programin tonë edhe në qytete të tjera, duke reprizuar ndonjë koncert të festivalit. Deri tash kemi arritur ti organizojmë disa sosh në qytetin e Pejës, por natyrisht këto janë pak”, ka thënë Bajri, duke shpjeguar më pas edhe për mosinteresimin e audiencës nga qytetarët në qytete të tjera duke shkuar edhe deri në neglizhencë, gjë që nuk kanë pas balancën me shpenzimet që janë bërë për këto koncerte.

Më Shumë

Muriqi kërkon fitore edhe ndaj Hungarisë!

Sulmuesi i Kosovës, në miqësoren ndaj Armenisë edhe kapiten i kombëtares kosovare, Vedat Muriqi pas ndeshjes së fituar ndaj armenëve me rezultat minimal 0-1 për faqen...

E mitura që u raportua e zhdukur dyshohet se u dhunua nga dy persona në Prizren

Një e mitur e cila u raportua e zhdukur më 16 mars nga familjarët e saj, është gjetur nga policia dy ditë më pas...

Lajmet e Fundit