Qysh në orët e para të mëngjesit sheshi “Nëna Terezë” u stërmbush me tituj të shumtë nga autorë të ndryshëm të huaj e vendorë. Shumicën e këtyre aktiviteteve e kishte organizuar Qendra për Zhvillimin e Arteve ‘ArtPolis’ në bashkëpunim me shtëpitë botuese më të njohura në Kosovë, të cilët për këtë datë u ofronin lexuesve libra me çmime më të ulëta.
Azize Mehmeti nga shtëpia botuese ‘Titanik’, është e befasuar me interesimin e njerëzve për të blerë libra. “Shtëpia jonë sot ka zgjedhur librat psikologjikë për këtë ditë, e unë jam shumë e kënaqur dhe njëkohësisht e befasuar me interesimin e njerëzve. Do të isha shumë më e lumtur sikur çdo ditë të ishte Dita e Librit”, ka theksuar duke qeshur Mehmeti./tribuna/