16.8 C
Prizren
E enjte, 28 Mars, 2024

Prizren: Lagjja e zejtarëve, të cilëve u ka mbetur vetëm emri

Sylejman Randobrava, i cili shet prodhime të dorës, pohon se është një krizë e tregut, por ai shprehet më optimist për të ardhmen. “Shpejt do të rikthehet vlera e zejeve të vjetra në këtë këtë qytet dhe në gjithë Kosovën”, shprehet Randobrava, duke shtuar se kjo vjen me rritjen e turizmit

Prizreni si lagje të njohur e kishte dikur “Tabakhanen”sepse kjo lagje ishte ajo që mbante gjallë traditën e zejtarisë. Aty kishte këpucëtarë, gëzofpunues, saraç dhe këto zeje ishin të përqendruar më shumë këtu. Lagjja e” Tabakhanes” ka marrë këtë emër pasi që aty bëhej përpunimi i lëkurës me të gjitha proceset përkatëse: larja, tharja, ngjyrosja etj. Në fund të shek. XIX në këtë lagje kanë punuar qindra punëtorë për përpunimin e lëkurës (tabakët).

Kompleksi i” Tabakhanës” gjendet në anën e djathtë të Lumëbardhit në mes të Xhamisë së Ahmed Beut, Xhamisë së Suziut dhe ndërtesës së Beledijes. I pari këpucëtar në Prizren thuhet se ka ardhur nga Budapesti ku ai ishte në usta që në mbretërinë e kohës kishte mësuar të bëjë regjjen e lëkurës më pastaj ta transferoj atë në punim mbathjesh ushtarake. Ai ishte ndalur në Prizren për të qëndruar aty.

Për këtë fakt edhe sot e kësaj dite lagjja ku ata punonin quhet “Tabakhane”. Kah mesi I shekullit XVIII, krijuesi më i njohur i Prizrenit ka qenë usta Riza Begu,deri në vitin 1818 thuhet se familja Bojniku këtë zeje e ka ushtruar në Bojnik të Leskovcit pastaj e trashëguan bijtë Zejnullahu e Emërllahu, kurse po atë vit ka ardhur familja Hashimi nga Lebani i Leskovcit për ta përcjellë këtë traditë. Zejen thuhet se e kanë mësuar shumë ustallarë të tjerë, siç ishin: Abdulla Osmani, Qamil Shaqiri, Hamdi Bytyqi pastaj vijnë djemtë e Muhamedit, Selim Dorambari, Isa Ameti, Zeqo Baruti, Rraif Ajgeri, Ali Gashi, deri tek familja e Halit Spahiut, Ismajl Qemajlit, Rifat Memishit duke ardhur tek familja e Ajrullah Tabakut, Hazër Alltiparmakut, Sefedin Laçit pastaj Ramiz Potori e kështu me radhë. Secili prej tyre ka pasur punëtorinë për tharjen e lëkurës, gropat e gëlqeres për zhytjen e lëkurës, tinarët në lumë për shpëlarjen e lëkurës dhe dybekun për shtypjen e ujit. ./kosova sot/

Më Shumë

Krasniqi në 25 vjetorin e masakrave në Rahovec: Sot dhe gjithmonë, i kujtojmë me nderim dhe respekt ata që u flijuan për këtë ideal

Kryetari i Partisë Demokratike të Kosovës, Memli Krasniqi ka përkujtuar masakrat në fshatrat e Rahovecit, ku mbeten të vrarë 68 civilë në Fortesë, 75...

Tejeci thotë se Behgjet Pacolli duhet të jetë kryeministër i Kosovës

Kryetari i AKR-së në Prizren, Afrim Tejeci vlerëson se lideri i partisë së tij, Behgjet Pacolli, duhet të jetë kryeministër i Kosovës. Sipas tij,...

Lajmet e Fundit