16.8 C
Prizren
E enjte, 28 Mars, 2024

ShKA “Agimi” kundërshton “privatizimin” e “Zambakut të Prizrenit“

Me një letër drejtuar kryetarit të Prizrenit Mytaher Haskuka dhe ministrit të MKRS-së Kujtim Gashi, ShKA Agimi ka shfaqur shqetësimin vet për organizimin e festivalit Zambaku i Prizrenit, siç ka thënë nga një kompani private e Prizrenit. Ajo këtë e ka quajtur privatizim të Festivalit.

Ky është teksti i letrës së ShKA Agimi:

“Jemi thellësisht të shokuar nga një organizim i mbrëmshëm, në të cilin një kompani private e Prizrenit abuzoi me njërën nga vlerat më karakteristike të kulturës së Prizrenit, festivalin e këngës së vjetër qytetare Zambaku i Prizrenit. Më e dhimbshmja ishte prezenca e logove të Ministrisë së Kulturës dhe Komunës së Prizrenit, me pretendimin se e gjitha po organizohej nën patronatin e institucioneve shtetërore të Kosovës. Zhgënjimin tonë e bën edhe më të thellë fakti që ky sulm i ultë i kësaj kompanie private ndaj kulturës së Prizrenit u kamuflua me logot e institucioneve të shtetit të Kosovës, të cilat do të duhet të ishin garantuese të mbrojtjes së Zambakut të Prizrenit, si një nga vlerat më të rëndësishme të trashëgimisë sonë shpirtërore

Ajo çfarë u manifestua mbrëmë ishte turpëruese dhe për këtë arsye besojmë që opinionit të gjerë i detyroheni një shpjegim dhe arsyetim. Nga ju kërkojmë të deklaroheni publikisht dhe të na njoftoni të gjithë se si ka mundësi që Ministria e Kulturës dhe Komuna e Prizrenit të jenë pjesë e një përpjekje të paskrupullt të një kompanie private për të privatizuar Zambakun e Prizrenit. Si është e mundur që institucionet shtetërore që paguhen nga taksat e qytetarëve për t’i ruajtur vlerat e përbashkëta të kësaj shoqërie të bëhen pjesë e një skeme të këtillë manipuluese dhe privatizuese ndaj kulturës. Nëse i gjithë ai organizim është përkrahur edhe financiarisht nga fondet publike, shkelja merr përmasa edhe më drastike.

Ka kohë që ne jemi duke luftuar për t’i mbrojtur vlerat e përbashkëta të qytetit të Prizrenit, me fokus në ShKA Agimin, të cilin e kanë zaptuar disa individë të papërgjegjshëm dhe manipulues, që ishin pjesë e organizimit të mbrëmshëm. Në një kohë që jeni zotuar edhe publikisht që do të ndihmoni në tejkalimin e sfidave të ShKA Agimit ju keni përkrahur një ngjarje, në të cilën një kompanie private ia keni dhënë të drejtën të veprojë në emër të Zambakut të Prizrenit, deri në ndarjen e mirënjohjeve. Çdo dështim i juaji për t’u deklaruar për këtë rast dhe për të marrë veprime konkrete parandaluese do të legjitimojë degradimin e kulturës dhe do t’i hapë rrugë të këqijave edhe më të mëdha. Prandaj, ju ftojmë të reflektoni seriozisht dhe të veproni në pajtim me detyrimet që ju kanë dhënë qytetarët.

Ju premtojmë që përpjekja jonë për të mirën e kulturës në Prizren nuk do të ndalet. Ndërsa nga ju presim seriozitet dhe distancim publik nga e keqja dhe manipuluesit me vlerat tona të përbashkëta“.

Më Shumë

Hamza: Qytetarët e dinë, kur unë them diçka, e realizoj

Kandidati i Partisë Demokratike të Kosovës (PDK) për kryeministër, Bedri Hamza, ka deklaruar se përkrahja e tij për këtë post do të jetë nga...

Në gjendje të dehur sulmoi fizikisht nënën e tij, arrestohet i dyshuari në Suharekë

Policia e Kosovës ka njoftuar për një rast të dhunës në familje. Rasti ka ndodhur në Suharekë, ku një person në gjendje të dehur ka...

Lajmet e Fundit