“Bob Dylan është i paedukatë dhe arrogant” është reagimi që ka bërë Akademia e Shkencave në Suedi, pas heshtjes së kantautorit i cili nuk ka reaguar për marrjen e çmimit Nobel në Letërsi. Ky reagim vjen pas pritjes së gjatë të Akademisë, e cila prej ditësh është përpjekur që të kontaktojë me Bob Dylan, por duket se ai po kënaqet nga kjo lojë.
Shkrimtari Watsberg anëtar i akademisë, e cilësoi arrogante sjelljen e kantautorit amerikan i cili ende nuk ka falënderuar për këtë çmim. Që nga dita kur u bë publik lajmi ai nuk ka shfaqur asnjë lloj interesi duke ngritur shumë pikëpyetje.
“Mendoj se është shumë e drejtë të them që reagimi i tij është arrogant e i paedukatë” shprehet Watsberg për televizionin suedez. Në lidhje me çmimin Nobel ka pasur edhe shumë zëra kritikë, duke menduar se Dylan nuk e meritonte një vlerësim të tillë.