13.8 C
Prizren
E enjte, 28 Mars, 2024

Vepra e artistit kosovar regjistrohet në Librin e Ginisit

Mozaiku vleraveMozaiku i vlerave”, vepër e rrallë artistike e autorit Don Dominik Qerimi përurohet të shtunën në Gjilan. Qerimi deklaroi për KultPlus se për realizimin e kësaj vepre i janë dashur mbi 50 mijë boça të pishave të cilat janë mbledhur në një periudhë prej katër vitesh.

Nesër në Gjilan do të përurohet një vepër e veçantë artistike e cila pritet të certifikohet nga autoritetet e Librit të Rekordeve Botërore të Ginisit.

Bëhet fjalë për një mozaik me sipërfaqe prej 90 metrash katrorë, ku janë portretizuar figurat e tri personaliteteve të shquara kombëtare, Gjergj Kastriotit – Skënderbeut, Nënës Terezë dhe Don Boskos.

I tërë punimi është realizuar me boça të pishave natyrore nga autori vendor, prifti katolik Don Dominik Qerimi.

Qerimi deklaroi për KultPlus se për realizimin e kësaj vepre i janë dashur mbi 50 mijë boça të pishave të cilat janë mbledhur në një periudhë prej katër vitesh. Ai tha se “Mozaikun e vlerave” e ka realizuar për 53 ditë pune ndërsa për mbledhjen, seleksionimin dhe pastrimin e boçave i kanë ndihmuar të rinjtë vullnetarë të Qëndrës “Don Bosko” në Gjilan, të cilët siç tha, quhen animatorë.

“Mozaiku i vlerave” është i gjerë 15 metra dhe i gjerë 6 metra ndërsa do të ekspozohet në mjediset e Teatrit të Qendrës Edukativo-Sociale “Don Bosko” në Gjilan.

Drejtori i i kësaj qendre, shtoi se mozaiku është i regjistruar në Komisionin e rekordeve botërore Guinness dhe me 26 dhjetor 2013, do të dërgohen dokumentet përkatëse për certifikim. Ai shtoi se katër javë pas përurimit, vepra pritet të certifikohet nga autoritetet e Librit të Ginisit.

Më Shumë

Osmani merr pjesë në tubimin përkujtimor në 25 vjetorin e masakrës në Krushë të Madhe

Presidentja e vendit, Vjosa Osmani do të marrë pjesë në tubimin përkujtimor në 25 vjetorin e masakrës në Krushë të Madhe, me fillim të...

Memli Krasniqi propozon Bedri Hamzën për kryeministër

Kryetari i Partisë Demikratike të Kosovës, Memli Krasniqi pritet ta propozojë sot Bedri Hamzën kandidat për kryeministër të ardhshëm të Kosovës. Kreu i PDK-së ka...

Lajmet e Fundit