4.8 C
Prizren
E enjte, 18 Prill, 2024

Ky do të jetë trajneri i ri i Kosovës U21

Federata e Futbollit e Kosovës pritet që të bëjë ndryshime sa i përket trajnerëve në grupmoshat e reja të Përfaqësueses së Kosovës.

FFK-ja ka vendosur që mos t’ia vazhdojë kontratën trajnerit aktual të Kosovës U-21, Rafet Prekazi, vendin e të cilit do ta zë Shefki Kuqi.

“Zeri.info” mëson ekskluzivisht se FFK-ja ka vendosur që Kuqi të jetë përzgjedhës i Kosovës U-21 me të përfunduar ky vit.

Image

Krahas Kuqit, janë përmënuar edhe emra të tjerë për t’i drejtuar shpresat e “Dardanëve”, por që në FFK ka vendosur për ish-sulmuesin e mirënjohur nga Vushtrria.

Kush është Shefki Kuqi?

Shefki Kuqi ka lindur në Vushtrri. Karrierën si futbollist e ka nisur në Finlandë në vitin 1995.

Ka qenë pjesë e skuadrave të njohura angleze si: Ipswich, Blackburn, Derby County, Swansea, Fulham, Crystal Palace, Newcastle United, Oldham Athletic, Stockport County, Sheffild Wednesday.

Image

Në Finlandë ka luajur te: MP, HJK, Jokerit kurse në Gjermani te TUS Koblenz. Kuqi ka bërë karrierë edhe në Skoci te Hibrenian derisa karrierën si futbollist e ka përfunduar te Lohjan Pallo në Finlandë në vitin 2016.

Në gjithë karrierën, ka shënuar 156 gola.

Nga viti 1999 deri në 2010, e ka përfaqësuar Kombëtaren e Finlandës. Ai njihej për festimet me fluturime si “shqiponjë” pas realizimit të golave.

Image

Si trajner, ka drejtuar skuadrat finlandeze si: Honka, Vantaa dhe Inter Turku. Momentalisht nuk është i angazhuar. 

Image

Krahas Kuqit, me futboll janë marrë edhe vëllezërit e tij Njazi dhe Albert Kuqi. 

Më Shumë

Sot varroset aktorja Shirine Morina

Sot në orën 16:00 do të bëhet varrimi i aktores së njohur, Shirine Morina. Teatri Kombëtar i Kosovës ka njoftuar se sot do të organizojë...

Haxhi Krasniqi rikthehet në ring, zbulohet kundërshtari dhe data e meçit

Boksieri kosovar, Robin Haxhi Krasniqi do të rikthehet në ring. Krasniqi për kundërshtar do ta ketë portugezin, Jorge Silva. Meçi zhvillohet me datë 4 maj në...

Lajmet e Fundit