21.8 C
Prizren
E premte, 29 Mars, 2024

AAK: Jo, Haradinaj nuk shkon në Amerikë

(E plotësuar) Aleanca për Ardhmërinë e Kosovës ka demantuar informatat se kreu i kësaj partie, Ramush Haradinaj është ftuar nga Departamenti amerikan i Shtetit për të diskutuar për zhvillimet e fundit politike në Kosovës, me theks të veçantë, Gjykatën Speciale.

E kontaktuar nga “Zëri”, shefja e Grupit Parlamentar nga AAK-ja, Donika Kadaj-Bujupi ka thënë se nëse Haradinaj ftohet në SHBA, atëherë ajo do të bëhet publike.

“Absolut jo. Edhe nëse z. Haradinaj shkon në Amerikë ne e bëjmë publike vizitën dhe agjendën dhe në momentin që vizita bëhet zyrtare”, ka thënë ajo.

Kadaj-Bujupi ka përsëritur qëndrimin e AAK-së se deputetët e këtij subjekti nuk do ta votojnë pro themelimit të Gjykatës Speciale.

“Nuk do ta votojmë Gjykatën Speciale”, është shprehur ajo.

Ndryshe, Top Channel ka raportuar se zyrtarët e Shtëpisë së Bardhë do t’i kërkojnë Ramush Haradinajt, që të shohë mundësinë dhe t’i bindë deputetët e partisë së tij për ta votuar Gjykatën Speciale, e cila do të gjykojë krimet e pretenduara të UÇK-së. /Zëri/

Haradinaj ftohet në Washington

Lideri i Aleancës për Ardhmërinë e Kosovës, Ramush Haradinaj është ftuar nga Departamenti amerikan i Shtetit për një vizitë javën e ardhshme në Uashington. Ai pritet të takohet me zyrtarë të DASH për të diskutuar për zhvillimet e fundit politike në Kosovë.

Top Channel ka mësuar nga burime diplomatike në Prishtinë se, zyrtarët e Shtëpisë së Bardhë do t’i kërkojnë Ramush Haradinajt, që të shohë mundësinë dhe t’i bindë deputetët e partisë së tij për ta votuar Gjykatën Speciale, e cila do të gjykojë krimet e pretenduara të UÇK-së.

Top Channel ka kontaktuar zyrtarë të lartë të AAK-së, por ata nuk kanë dashur të flasin rreth kësaj vizite, me arsyetimin se kur ajo të ndodhë, do të dërgojnë njoftim zyrtar për mediet.

Kërkesa e Uashingtonit zyrtar, që Haradinaj ta mbështesë Gjykatën Speciale, vjen pak ditë përpara se Kuvendi i Kosovës të miratojë ndryshimet e nevojshme kushtetuese, që i hapin rrugë krijimit të Gjykatës Speciale.

Për t’u siguruar se Kuvendi është gati të hyjë në procedurën e ndryshimeve, që i ka vlerësuar pozitive edhe Gjykata Kushtetuese, Presidentja e Kosovës Atifete

Jahjaga ka takuar ndaras, këtë të premte, shefat e grupeve parlamentare.

Presidentja kosovare i ka njoftuar krerët e grupeve parlamentare për zotimet, që ka marrë Kosova për formimin e Gjykatës Speciale, ndërsa i ka ftuar që t’i miratojnë ndryshimet kushtetuese.

Pas takimit me Jahjagën, përfaqësuesit e subjekteve të koalicionit qeverisës deklaruan votën pro formimit të gjykatës, me arsyetimin se, nëse Kosova nuk e voton atë, atëherë gjykata do të votohet në Këshillin e Sigurimit të OKB-së.

Ndërsa përfaqësuesit e Lëvizjes Vetëvendosje dhe Nismës për Kosovën u shprehën kategorikisht kundër formimit të kësaj gjykate dhe thanë se do të votojnë kundër saj. Partia tjetër opozitare, që udhëhiqet nga Ramush Haradinaj nuk ka dhënë kurrfarë deklarate gjatë së premtes, pas takimit me Presidenten Atifete Jahjaga.

Më Shumë

Sot mot me diell e me vranësira

Të dielën mbrëma pati mot me shi, ndërkaq në disa zona ra edhe borë. Ndërkaq, gjatë ditës së sotme pritet të mbajë mot me diell...

Bashkimi i shkon Trepçës, dy rivalët e vjetër pritet të sjellin basketboll cilësor

Sot zhvillohen dy përballje interesante në Superligën e Basketbollit kosovar. Ndeshjet janë të vlefshme për javën e 27-të të PrinceCaffe Superligës. Dita nis me derbin mes...

Lajmet e Fundit