Në zyrat e Degës së AAK-së në Prizren, të premten kanë aderuar disa anëtarë të rinj.
Në ceremoninë e shpërndarjes së librezave për anëtarët e rinj, ishte edhe kreu i këtij subjekti, Ramush Haradinaj me bashkëpunëtorë.
Haradinaj tha se i mirëpret edhe aderimet e radhës, duke shtuar se një gjë e tillë hap rrugë edhe për individ të tjerë që përmes këtij subjekti politik mund të japin kontributin e tyre në zhvillimin e gjithmbarshëm të situatës jo vetëm në Prizren.
Me anëtarësimin e këtyre qytetarëve në AAK, ishte i lumtur edhe kryetari i saj në Prizren, Lulzim Kabashi, i cili tha se AAK tashmë e ka hapur derën për të gjithë ata që kanë deshirë për të qenë pjesë e kësaj partie që në fokus të vetin ka qytetarin dhe shtetin e përparuar të Kosovës.
Të posaderuarit thanë se ndjehen të kënaqur që atyre iu është dhënë mundësia për të qenë pjesë e AAK-së, të cilës me mjaft sukses i prinë njeriu i veprave të mëdha, Ramush Haradinaj.
Pas kësaj ceremonie, drejtuesit e AAK-së kanë bërë vizita në familje të dëshmorëve dhe të tjera që janë të njohura për traditën dhe kultivimin e zejeve të ndryshme në Prizren. /TV Prizreni