Sot rreth orës 7:15 në autostradën “Ibrahim Rugova” konkretisht në Vërmicë ka ndodhur një aksident në të cilin janë përfshirë 10 vetura, në mesin e të aksidentuarve është edhe zëvendësministri i Drejtësisë, Naim Qelaj, raporton Gazeta Express.
Nga ky aksident që besohet se ndodhi nga mjegulla e dendur si dhe nga mospërshtatja e shpejtësisë me kushtet e rrugës, u lënduan nëntë persona.
Gazeta Express mëson se në aksident është përfshirë edhe vetura zyrtare ku zv.ministri Naim Qelaj ishte në ulësen e pasagjerit. I njëjti është dërguar për trajtim mjekësor për shkak të lëndimeve trupore.