Sot në Prizren u mbajt aksioni simbolik në përkrahje të Abdullah Thaçit, i dënuar nga gjykata për shkak se ka denoncuar korrupsionin.
Në këtë organizim u bë e ditur se në kuadër të fushatës për grumbullimin e mjeteve për të paguar gjobën e Abdullah Thaçit, deri sot janë tubuar rreth një e treta e mjeteve të nevojshme.
Organizatorët e fushatës kanë njoftuar se nga sot, përveç deponimeve bankare, kontributet mund të ofrohen edhe në pikat grumbulluese në qendër të qytetit dhe në disa nga kafeteritë.
Fushata #meAbdullahThacin do të vazhdojë deri në arritjen e shumës 5000 euro për të paguar gjobën e caktuar nga gjykata.
Aktivistët e fushatës u bëjnë thirrje të gjithë qytetarëve që besojnë në shtetin e së drejtës, që brenda mundësive të tyre të ndihmojnë fushatën “Me Abdullah Thaçin” dule kontribuar financiarisht për grumbullimin e mjeteve të nevojshme. /PrizrenPress.com