13.8 C
Prizren
E enjte, 28 Mars, 2024

Ambasadori Jean-Claude Schlumberger vizitoi Rahovecin

Kreu i misionit të OSBE-së në Kosovë ambasadori Jean-Claude Schlumberger sot ka vizituar komunën e Rahovecit.

Ambasadori u prit nga kryetari i komunës, Idriz Vehapi. Ai tha se bashkëpunimi me stafin e OSBE-së si në nivelin lokal e po ashtu edhe në atë regjionalë është shumë i mirë dhe ky bashkëpunim i mirë do të vazhdoj edhe me tutje.

Ndërkaq, ambasadori Jean-Claude Schlumberger u shpreh i kënaqur me angazhimin e kryetarit me qytetarët e komunës së Rahovecit, përfshirë këtu edhe komunitetet jo shumicë.

Jean-Claude Schlumberger dhe Vehapi e vazhduan vizitën e tyre të përbashkët në zyrën e kontaktit të OSBE-së e cila gjendet në lagjen e epërme të qytetit të Rahovecit, ku mbajtën takimin me përfaqësuesit e komunitetit serb, romë, ashkali dhe egjiptian. Arsyeja e takimit me komunitetet e sipërpërmendura ishte që t’i dëgjojnë brengat e banorëve të kësaj pjese të qytetit dhe ta shqyrtojnë mundësit e zgjidhjes së tyre.

Kreu i Misionit të OSBE-së në Kosovë ambasadori Jean-Claude Schlumberger bashke me nënkryetari i komunës së Rahovecit Xhemali Haxhimustafa vizituan fshatin Hoçë e Madhe ku u takuan me anëtarët e posa emëruar të këshillit të këtij fshati.

Gjatë takimit u diskutua rreth funksionalizimit dhe nevojës për përkrahje të këtij këshilli nga komuna. Ndërkaq, pjesëmarrësit në takim shprehen nevojën të forcojnë kapacitetin e këshillit si dhe gjetjes së mënyrave dhe mjeteve për funksionalizimin e këtij institucioni të posa formuar. /PrizrenPress.com/

Më Shumë

Hajnat futen në tri shtëpi në Rogovë, vjedhin mijëra euro dhe stoli ari

Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth e pasiguri, sidomos kur mbesin...

Pas 26 vjetësh zbuluan se nuk kishte vdekur, stërnipi i Isa Boletinit tregon si i shpëtoi ekzekutimit nipi 19 vjeçar

Gazmend Boletini, stërnipi i Isa Boletinit, foli në detaje rreth historisë së familjes së tij, kryesisht për pasardhësit e kësaj familje. Ai zbuloi në ndër...

Lajmet e Fundit